Druhaja suśvietnaja vajna pryjšła na biełaruskuju ziamielku nie 22 červienia 1941 h., a na dva hady raniej, kali Treci Rejch i SSSR dzialili Centralnuju Jeŭropu. Piša Rusłan Raviaka.
Sa zboraŭ Hienrycha Bierazoŭskaha, Polšča.
Na fota: Bližej da levaha nižniaha kraju zdymka vidać radyjovieža. Zdymak vykanany piłotam Luftwaffe padčas bambiožki Baranavič.
15 vieraśnia niamieckaja avijacyja bambiła Baranavičy. Pad ataku trapili čyhunačny vuzieł i radyjostancyja.
Kala vakzała niemcy źniščyli niekalki ciahnikoŭ. Byli paranienyja i zabityja.
Nad radyjostancyjaj «Baranavičy» supraćpavietranaj abaronie paščaściła padstrelić adzin ź niamieckich samalotaŭ DO-17, jaki i nie daciahnuŭ da aeradroma, zahareŭsia i raźbiŭsia kala Rastenburha. Radyjoapieratar samalota pamior paśla ŭ špitali.
Darečy, na nastupny dzień niamieckija samaloty bambili radyjostancyju ŭ Vilni i zdoleli spalić jaje. Tady sama jany nanieśli ŭdary pa adrezku čyhunki Vilnia-Baranavičy i źniščyli 2 ciahniki. Na čyhuncy Baranavičy-Sarny taksama źniščany dva ciahniki. Pad udar traplaje čyhunačny vuzieł Maładziečna.
Najnoŭšaja ŭ Polščy (pačała pracu ŭ vieraśni 1938-ha) radyjostancyja znachodziłasia na ŭskrajku Baranavič. Budynak, darečy, zachavaŭsia. Tolki ciapier heta centr horada, rajon Staroha parku. Polskija ŭłady vykarystoŭvali stancyju dla prapahandy palščyzny. Stavili polskuju muzyku, vystupali polskija žaŭniery, navukoŭcy i znakamitaści. Vialisia pieradačy dla ziemlarobaŭ. Viadoma, što była admysłovaja zabarona prajhravańnia na Baranavickim radyjo biełaruskich kružełak Zabejdy-Sumickaha.
Niepaškodžanaja niamieckaj avijacyjaj radyjostancyja skončyła pracu praz dva dni — 17 vieraśnia. Polskaja vyviedka paviedamlała, što suviaź z radyjostancyjaj pierarvanaja.
Stancyja dastałasia savietam. Jak zhadvaŭ u svajoj dakładnoj staršynia radyjokamiteta BSSR Jakielčyk 11 vieraśnia 1940 hoda: «Najaŭnaść radyjostancyi ŭ Baranavičach dazvalała nie tolki retranślavać pieradačy Maskvy i Minska, ale i davała mahčymaść vieści admysłovyja pieradačy na Zachodnija vobłaści. U suviazi z hetym pravodziłasia miascovaje viaščańnie, jakoje zajmała 3-4 hadziny štodnia. Tudy ŭvachodzili dva vypuski «Apošnich navinaŭ» na biełaruskaj movie i pa adnym na habrejskaj i polskaj movach. Kala paŭhadziny na dzień advodziłasia na hutarki, što vialisia zhodna z adździełam prapahandy i ahitacyi».
***
U hadavinu abjadnańnia BSSR praz Baranavickuju radyjostancyju pravodzilisia nastupnyja pieradačy, što prymalisia ŭsimi radyjovuzłami zachodnich abłaściej:
1. Vystup sakratara Baranavickaha abkama KP(b)B t.Tura na temu «S kakimi dostižienijami prichodit Baranovičskaja obłasť ko dniu osvoboždienija ot iha polskich pomieŝikov i kapitalistov».
2. Vystup deputata Viarchoŭnaha Savieta SSSR t. Siaržanta na temu «Maja deputackaja dziejnaść».
3. Vystup kiraŭnikoŭ bujnych pradpryjemstvaŭ na temu «S čiem my vstriečajem piervuju hodovŝinu osvoboždienija Zapadnoj Biełoruśsii».
4. Mastackaja samadziejnaść haradoŭ Baranavičy, Brest, Biełastok, Lachavickaha rajona, v. Padleśsie i h.d.
5. Litaraturna-muzyčnyja pieradačy na temy «Čyrvonaja Armija — armija-vyzvalicielnica», «Vyzvaleny narod», «Lenin i Stalin — arhanizatary biełaruskaj dziaržaŭnaści», «Savieckija dzieci samyja ščaślivyja dzieci ŭ śviecie».
