Samalot koštam 700 młn. rubloŭ adyšoŭ da dziaržavy.
Sioleta napačatku leta supracoŭniki mytni «Minsk-2» kanfiskavali ŭ kamiercyjnaj struktury ŭ h. Smalavičy samalot AN-26B. Pryčynaj kanfiskacyja, jak paviedamlaje pres-słužba Dziaržaŭnaha mytnaha kamitetu, stali vyjaŭlenyja padčas pravierki parušeńni ŭvozu samalota z Ukrainy ŭ Biełaruś.
Jašče naprykancy kastryčnika minała hodu samalot byŭ dastaŭleny ŭ respubliku i zarehistravany ŭ Dziaržaŭnym rejestry hramadzianskich pavietranych sudnaŭ RB, adnak ŭ mytnyja orhany dakumienty pra ŭvoz transpartnaha srodku dla afarmleńnia nie byli pradstaŭlenyja, a płaciažy nie ŭnosilisia. Pry hetym samalot bolš za paŭhady aktyŭna vykarystoŭvaŭsia ŭładalnikam, jaki ažyćciaŭlaŭ hruzavyja pieravozki.
Pavodle faktu byŭ raspačaty administracyjny praces. Sud Kastryčnickaha rajona Minska 14 vieraśnia vynies rašeńnie kanfiskavać samalot AN-26B ahulnym koštam 700 młn. rubloŭ na karyść dziaržavy.
