Prysudžany da śmierci amierykanski viazień, čyjo pakarańnie było adkładzienaje ŭ apošniuju chvilinu praz techničnyja pryčyny, kaža, što pakutuje na «žachlivuju psichałahičnuju traŭmu» i prosić dadatkovaj adterminoŭki.
Prośbit — 53-hadovy Rameła Bruma, jakoha sud štatu Ahajo vyrak da pakarańnia śmierciu za zabojstva i zhvałtavańnie dziaŭčyny-padletka. Zaŭčora Rameła pryviali ŭ turemny pakoj dla pakarańniaŭ, naviazali da admysłovaha kresła, a turemny lekar užo zanios byŭ nad im špryc z zabojčaj atrutaj, jak źnianacku vyśviatliłasia, što vyračany na śmierć nie maje hodnych dla ŭpyrskvańnia jadu vienaŭ. Paśla kolkihadzinnych, marnych vysiłkaŭ usio ž znajści vienu, hubiernatar štatu Ted Strykłend zajaviŭ, što «usie dalejšyja sproby vykanać prysud ŭ hety dzień buduć nialudskim učynkam, jaki nie sumiaščalny z amierykanskaj kanstytucyjaj», a ahajskija praŭniki pahadzilisia: pastanavili adterminavać pakarańnie.
U dadatak advakatka vyračanaha na śmierć Adel Šank paprasiła ŭličvać pryhniečany psichałahičny i žalu hodny fizičny stan jaje apiekavanca (u jaho psichičnaja pryhniečanaść i siniaki na rukach) dy zrabić palohku, adterminavać pakarańnie na bolš praciahły termin, na kolki tydniaŭ. Sud pahadziŭsia, i takim paradkam zabojca i hvałtaŭnik prydbaŭ dva tydni na hetym śviecie.
