Z kamientaroŭ na sajcie NN: piša kamientatar ABC
«Kali b biełarusy ŭvajšli ŭ ... hulniu vakoł Vilenščyny, dyk vynik byŭ by taki ž samy, jak i ŭva ŭsich inšych častkach byłoha SSSR, dzie Kreml biŭ «separatyzmam suprać separatyzmu». Rasiejskaje vojska nadziejna siadzieła b ciapier u Vilni i Miensku ŭ jakaści «miratvorcaŭ», a byłyja savieckija hateli byli b abstalavanyja pad uciekačoŭ sa spalenych chataŭ. Bajavitaja biełaruskaja i letuviskaja moładź stralała b adzin u adnoha na radaść uschodniaha susieda. Dyj jašče nia varta zabyvacca na toje, što takija padziei majuć tendencyju raspaŭsiudžvacca (efekt damino), to heta mahło pryvieści da sprobaŭ revizii biełaruska-ŭkrainskaj, naprykład, ci biełaruska-polskaj miažy. Z takimi ž nastupstvami. Miatniciesia razok u Prydniastroŭje ci Abchazii — tamaka jakraz toje, što vyciakaje z vašaha tryźnieńnia dobra bačnaje.
Palityka, viedajecie, asabliva palityka kanfliktaŭ, nasamreč zusim nie padobnaja da Heroes of Might and Magic, na jakoj, vidać, i vyhadavany vaš dziciačy imperyjalizm».
