Prarasiejskaja SDPH sychodzić u apazicyju. Los palityčnaje raskładki vyrašyli libierały. Druhim čałaviekam va ŭradzie stanie hiej.
Anhiełu Mierkiel bolš nie źviazvajuć levyja partniory.
Hvida Vestervele stanie pieršym hiejem na čale Hiermanii.
Na vybarach u Niamieččynie, što prajšli 27 vieraśnia, pavodle źviestak ekzit-połaŭ, pieramoh błok Chryścijanska-demakratyčny sajuz / Chryścijanska-sacyjalny sajuz (CHDS/CHSS). Pavodle źviestak niamieckaj televizii, jon atrymaŭ 33,8 % hałasoŭ, druhoje miesca zajmaje Sacyjał-demakratyčnaja partyja (SDPH).
Pryčym sacyjał-demakraty atrymali najhoršy vynik u svajoj pavajennaj historyi: usiaho 23 % hałasoŭ.
Kancler Niamieččyny Anhieła Mierkiel abviaściła pra stvareńnie kaalicyi CHDS/CHSS i Svabodnaj demakratyčnaj partyi (SvDP).
«Vy ščaślivyja, i ja taksama. My dasiahnuli svaje mety na vybarach i možam stvaryć stabilny ŭrad u novaj kaalicyi CHDS/CHSS i SvDP», — zajaviła Mierkiel.
CHDS/CHSS ujaŭlaje saboj pravacentrysckuju partyju narodnickaha typu. CHSS — jaje bavarskaje adździaleńnie (Bavaryja — svojeasablivy rehijon krainy).
SvDP jość libieralnaj partyjaj, jakaja adstojvaje intaresy biznes-kołaŭ.
Druhim čałaviekam va ŭradzie stanie hiej — lider Svabodnych demakrataŭ. Hvida Vestervele zojmie pasady vice-kanclera i ministra zamiežnych spravaŭ.U adroźnieńnie ad chryścijanskich demakrataŭ biełaruskich, niamieckim takaja seksualnaja aryjentacyja sajuźnika nie zaminaje.
Vybar Vestervele paŭpłyvaje na stan rozumaŭ u našaj častcy Jeŭropy, dzie da niamieckich paradkaŭ tradycyjna staviacca z uvahaj.
Vialikaje značeńnie dla Biełarusi budzie mieć sychod sacyjał-demakrataŭ z uradu. Hetaja partyja apošnim časam aktyŭna vystupała za ciaśniejšyja adnosiny z Rasijaj, a ŭ dačynieńni da Biełarusi jana była bolš schilnaja da taktyki «miratvorstva».Z šerahaŭ SDPH pachodzić, naprykład, Uta Capf.
U novym parłamiencie kaalicyja CHDS/CHSS i SvDP budzie vałodać upeŭnienaj bolšaściu hałasoŭ (332 z 598 miescaŭ). Možna čakać, što novy ŭrad Niamieččyny budzie dziejničać u ciesnym sajuzie z ZŠA na mižnarodnaj arenie. U adnosinach da Biełarusi jon budzie mienš ciarpimym da prajavaŭ aŭtarytaryzmu i savietyzmu, čym papiaredni.
