Vykładčyki departamienta palitałohii EHU abviaścili ab svaim sychodzie z univiersiteta ŭ vypadku, kali kiraŭnictva VNU nie źmienić palityki ŭ dačynieńni da akademičnych svabod.
Pryčynaj kanfliktu pamiž kiraŭnictvam Jeŭrapiejskaha humanitarnaha univiersiteta i vykładčykami departamienta palityčnych navuk stała toje, što načalstva, biez uzhadnieńnia z vykładčykami, pryznačyła kurataram prahramy Kanstancina Tkačova, sioletniaha vypusknika mahistratury EHU.
Vykładčyk EHU Dzianis Mieljancoŭ adznačaje, što «ŭ EHU majuć miescy prajavy aŭtarytaryzmu. Nam prapanavali syści, kali niešta nie padabajecca».
Dalikatnaść situacyi jašče i ŭ tym, što palitałohija była adnoj ź niamnohich śpiecyjalizacyj EHU, dzie pieravažała biełaruskaja mova.
Spadar Mieljancoŭ zaŭvažaje, što pryčyna kanflikta nie ŭ biełaruskamoŭnaści vykładčykaŭ, a ŭ niemahčymaści ŭpłyvać na rašeńni kiraŭnictva univiersiteta.
Zajava pra sychod u znak niazhody z pryznačeńniem kuratara była zroblenaja vykładčykami 28 vieraśnia, padčas pasiadžeńnia departamienta palityčnych navuk.
* * *
Dadatkovy kamientar Dzianisa Mieljancova:
Vierasień 29, 2009 u 0:16
Liču nieabchodnym dać niekatoryja tłumačeńni, kab nie ŭźnikała niedarečnych interpretacyjaŭ.
Napačatku hetaha hoda adbylisia vybary kiraŭnika departamientu palitałohii i jeŭrapiejskich daśledavańniaŭ. Im staŭ Andrej Kazakievič (funkcyi — kadravaja palityka, praca z vykładčykami i studentami, navučalnyja prahramy bakałaŭryjatu).
Hetaja pasada pavodle Statutu — vybarnaja. Abirać pavinny Rady fakultetaŭ (abo departamientaŭ). Nasamreč hetyja rady nichto nie stvaraŭ, usie pasady pryznačalisia ŭ parušeńnie ŭłasnaha Statutu. Možna skazać, što ŭsio kiraŭnictva EHU było nielehitymnaje.
Paśla rašeńnia pra transfarmacyju fakultety byli skasavanyja, pasady kiraŭnikoŭ departamientaŭ taksama, ale farmalna Kazakievič praciahvaŭ kiravać bakałaŭryjatam da 1 kastryčnika. Časovym kiraŭnikom palitałahičnaje prahramy (bakałaŭryjat + mahistratury) była pryznačana S.A. Navumava. U dalejšym kiravać pavinien byŭ A. Ściapanaŭ, ale jon nie maje stupieni doktara.
Paŭstała pytańnie pra kuratara prahramy, jaki pavinien zajmacca bakałaŭryjatam, vykładčykami i prahramama (faktyčna, funkcyi Kazakieviča). Tak, Kazakievič nie pretendavaŭ na hetuju pasadu, ale kiraŭnictvu było prapanavana prynamsi abmierkavać (navat nie abirać) novuju kandydaturu z vykładčykami prahramy, čaho patrabujuć akademičnyja svabody, dekłaravanyja EHU. U hetym było admoŭlena. Kuratar byŭ pryznačany ź liku tolki što abaronienych EHUšnych mahistrantaŭ biez dośviedu pracy, jakoha nichto z vykładčykaŭ nie viedaŭ.
To bok, pytańnie zusim nie ŭ asobie Kazakieviča, a ŭ pracedury ŭnutry prahramy.
Na ciapierašni momant pra svoj sychod abvieścili vykładčyki A. Kazakievič, A. Jahoraŭ, Dz. Mieljancoŭ, S. Bohdan.
Da taho, chto sumniavaŭsia ŭ biełaruskaści prahramy Palitałohii, dadam, što bolšaść asnoŭnych vykładčykaŭ prahramy čytajuć svaje kursy pa-biełarusku. Biełaruskamoŭnyja kursy čytajucca A. Kazakievičam, A.Jahoravym, A. Dziermantam, Dz. Mieljancovym, S. Bohdanam, U. Ivanovym, U. Roŭdam, T. Čyžovaj. Heta lohka spraŭdzić.
