29 vieraśnia ŭ pamiaškańni Biełaruskaha PEN‑centra prajšła prezientacyja sajta akademičnaj sietki daśledčykaŭ VKŁ.
Sajt, ź jakim možna paznajomicca pa adrasie vklonline.com, maje vialikaje padabienstva z papularnymi sacyjalnymi sietkami. Kožny daśledčyk, jaki projdzie praceduru rehistracyi, moža mieć svaju staronku. Na joj źmiaščajecca infarmacyja ab publikacyjach i kirunku pracy navukoŭcy. Sama sietka — mižnarodnaja. Ciapier tam užo isnujuć asabistyja staronki daśledčykaŭ ź Biełarusi, Polščy, Ukrainy, Litvy. A bazavaja viersija sietki admysłova stvarałasia na anhlijskaj movie z metaj pryciahnuć jak maha bolšuju ŭvahu mižnarodnaj akademičnaj supolnaści.
U Biełarusi pracu sietki kaardynujuć Siarhiej Salej, Siarhiej Kaŭn i Natalla Śliž. Va Ukrainie, Litvie, Rasii i Polščy adpaviedna Dmitro Virski, Hiedre Mickunajte, Alaksandr Filuškin i Kšyštaf Piatkievič.
Akramia niepasredna naviejšaj infarmacyi ab publikacyjach i daśledčykach, na sajcie płanujecca źmiaščać paviedamleńni ab kanfierencyjach i inšych cikavych padziejach, pryśviečanych daśledvańniu historyi i kultury Vialikaha Kniastva Litoŭskaha.