26 vieraśnia ŭ hateli «Crowne Plaza» pravaabarončy prajekt «Hiej Biełaruś» pad patranažam Kamiteta mižnarodnaha dnia supraćdziejańnia hamafobii zładzili kanfierencyju «ŁHBT ruch i niaŭradavyja arhanizacyi. Pierśpiektyvy supracoŭnictva z NDA‑siektaram i aktyŭnaj supolnaściu dla pieraadoleńnia hamafobii».
Na kanfierencyju sabrałasia bolš za sto čałaviek. Akramia arhanizataraŭ i ŭdzielnikaŭ ŁHBT‑ruchu, što abjadnoŭvaje leśbijanak, hiejaŭ, biseksuałaŭ i trasnhiendernych ludziej, byli pradstaŭniki niezarehistravaha pravaabarončaha centru «Viasna», Biełaruskaha Chielsinkskaha kamiteta, Biełaruskaj partyi «Zialonyja», Biełaruskaj sacyjał‑demakratyčnaj partyi (Hramada), Biełaruskaj asacyjacyi žurnalistaŭ, Hramadskaha abjadnańnia «Ekadom», Maładyja sacyjał‑demakraty — Maładaja Hramada.
Kiraŭnik prajekta gaybelarus.by Siarhiej Androsienka zaznačyŭ: «Tut sabralisia nie tolki hiei i leśbijanki — heta vielmi značna dla hetaj kanfierencyi. Hetych ludziej abjadnoŭvaje razumieńnie,
što dyskryminacyja heta škodna. U tym liku i dyskryminacyja na padstavie seksualnaj aryjentacyi i hiendernaj identyčnaści.
Bolšaść temaŭ kanfierencyi datyčacca pabudovy supracoŭnictva z aktyŭnaj hramadzianskaj supolnaściu i siektaram NDA dla pieraadoleńnia hamafobii siońnia. My chočam mieć usiu paŭnatu pravoŭ, kab viedać što našyja adnosiny abaronienyja».
Padčas kanfierencyi była pryniata Minskaja rezalucyja ab pravach hiejaŭ, leśbijanak, biseksuałaŭ i transhiedernych ludziej. Rezalucyja zaklikaje biełaruskija ŭłady da baraćby suprać hamafobii i pryznańnia pravoŭ ŁHBT.
Udzielniki kanfierencyi zaklikali kiraŭnictva krainy ŭnieści ŭ pieralik zabaronienych zakanadaŭstvam asnovaŭ dyskryminacyi paniatki seksualnaj aryjentacyi i hiendernaj identyčnaści, unieści ŭ kryminalnaje zakanadaŭstva papraŭki, jakija tyčać zabarony ŭzbudžeńnia nianaviści i varožaści pa prykmiecie seksualnaj aryjentacyi i hiendernaj identyčnaści, a taksama ŭraŭnavažyć u pravach adnapołyja i raznapołyja šluby
U rezalucyi raźmieščany zaklik da biełaruskich uładaŭ pryznać 17 traŭnia Dniom supraćstajańnia hamafobii, sadziejničać praviadzieńniu publičnych ŁHBT‑mierapryjemstvaŭ.
Taksama pryznać prava arhanizacyj hiejaŭ, leśbijanak, biseksuałaŭ i transhienderych ludziej na rehistracyju i spynić błakavać dostup da mižnarodnych ŁHBT internet‑resursaŭ.
