Kiraŭnik Biełarusi vyrašyŭ skarystacca ź niapeŭnaściaŭ palityčnaha duumviratu ŭ Rasii.
Rasijskaje vydańnie «Kommiersant» apublikavała artykuł pad zahałoŭkam «Sajuźnik razhladzieŭ praciŭnika». U im analizujucca zajavy Alaksandra Łukašenki, zroblenyja padčas piatničnaj pres-kanfierencyi pradstaŭnikam rasijskich rehijanalnych ŚMI.
Pavodle vydańnia, kiraŭnik Biełarusi dazvoliŭ sabie samyja žorstkija, z času apošniaj «hazavaj vajny», vykazvańni ŭ adras kiraŭnika rasijskaha ŭrada. Łukašenka abvinavačvaje Pucina ŭ padryvie biełaruska-rasijskaj intehracyi i navat vajskovaha supracoŭnictva, arhanizacyi hazavaj i małočnaj «vojnaŭ».
Rasijskaje vydańnie adznačaje, što padobnym čynam Łukašenka sprabuje abhruntavać niežadańnie pryznavać niezaležnaść Paŭdniovaj Asiecii i Abchazii. Taktyka žorstkich vykazvańniaŭ biez adpaviednych dziejańniaŭ nieadnarazova vykarystoŭvałasia biełaruskim kiraŭnictvam. Adnak admietna i toje, što Łukašenka, krytykujučy Pucina, pazityŭna acaniŭ rolu Miadźviedzieva: «Tolki z prychodam Miadźviedzieva vajennaje supracoŭnictva zrušyłasia ź miortvaj kropki». Vierahodna,
kiraŭnik Biełarusi vyrašyŭ skarystacca ź niapeŭnaściaŭ palityčnaha duumviratu ŭ Rasii.Hulnia hetaja moža prynieści dyvidendy.
Adnak pakul Rasija pazbaviła Biełaruś čarhovaha kredyta. I toje tolki pačatak. Chutka ŭ Maskvie pačnucca pieramovy ab košcie hazu dla Biełarusi na nastupny hod. I razam ź imi pačniecca albo čarhovaja vajna, albo čarhovaje zamireńnie.
