28 śniežnia pachavali kiraŭnika kamitetu architektury j budaŭnictva Mienharvykankamu Rusłana Biełahorcava. Jamu było 60 hadoŭ.
R.Biełahorcaŭ da 1989 h. pracavaŭ u CK KPB instruktaram adździełu budaŭnictva i haradzkoj haspadarki, potym pierajšoŭ u Dziaržbud BSSR. Atrymaŭšy ŭ 2003 h. pasadu pieršaha architektara Miensku, jon z zapałam uziaŭsia pijaryć horadabudaŭničuju palityku ŭłady. Pry im pačałosia budaŭnictva parkinhu na Niamizie j hatelu «Eŭropa», byŭ źniščany dom pa vuł.Handlovaj i dom Kupałavaj siamji pa vuł.Rumiancava.
Dva hady dziejnaści Biełahorcava na pasadzie hałoŭnaha architektara Miensku paznačyli jaho jak advakata hierastrataŭ: u hetuju epochu stary Miensk niščyli tak, jak nie rujnavali z 1980-ch. Ni palityčnaha, ni maralnaha kapitału z svajoj dziejnaści Biełahorcaŭ atrymać nie paśpieŭ.
V.a. hałoŭnaha architektara Miensku pryznačany Viktar Nikicin.
