8 kastryčnika ŭ pasolstvie Litoŭskaj Respubliki ŭ Minsku prajšła navukovaja kanfierencyja «Pryčyny pačatku Druhoj suśvietnaj vajny: rola kamunistyčnaj i nacysckaj ideałohij».
Kanfierencyja była arhanizavana pry ŭdziele litoŭskaj hramadskaj arhanizacyi «Za hramadzianskuju supolnaść» i Kaardynacyjnaj rady inicyjatyvaŭ pa daśledavańni złačynstvaŭ kamunizmu i ŭšanavańni achviar tatalitaryzmu.
Spačatku byŭ prezientavany film «Rasieja ŭ vajnie» i słajd‑prezientacyi, pryśviečanaj paraŭnańniu stalinizmu i nacyzmu, a zatym z dakładami vystupili žurnalist, daśledčyk złačynstvaŭ kamunizmu Andrej Pačobut, kandydat histaryčnych navuk Ihar Kuźniacoŭ, šef‑redaktar haziety «Novy Čas» Alaksiej Karol, siabra arhanizacyi «Za hramadzianskuju supolnaść» Zylvinas Lilejvy dy deputat litoŭskaha parłamienta Paŭlus Saŭdarhas. Tematyka vystupaŭ aharnuła šyrokaje koła prablem. Ad abmierkavańnia padabienstva niamieckaha nacyzmu sa stalinizmam, da vynikaŭ padziej vieraśnia 1939 hoda dla litoŭskaj dziaržavy.
Udzielničaŭ u kanfierencyi i pasoł Litoŭskaj Respubliki ŭ Biełarusi Edminas Bahdonas. Farmulujučy metu sustrečy, spadar pasoł adznačyŭ:
«Kali my nie budziem havaryć ab hetym, to niechta skaža za nas».
