Joannis Visliciensis. Bellum Prutenum = Jan Viślicki. Pruskaja vajna: Na łac. i bieł. movach / Ukł., pier., kament. Žanny Niekraševič-Karotkaj. — Miensk: Prapilei, 2005. — 234 s.
Pieršaje ŭ Biełarusi vydańnie zboru tvoraŭ biełaruskaha łacinamoŭnaha paeta XVI ct. Teksty drukujucca paralelna: na łacinskaj movie i ŭ pierakładzie na biełaruskuju. Da taho ž faksymilna ŭznaŭlajucca pieršadruki tvoraŭ Viślickaha. Paema «Pruskaja vajna» — hieraičny epas, napisany dydaktyčnym hiekzametram.
«Tolki ž vajujcie, prašu, bo pryznačana nam pieramoha».
Palyga, Artur. Kolchoz imienia Adama Mickievicza. — Bielska-Biała, 2005. — 160 s.
Kniha repartažaŭ polskaha žurnalista z padarožža pa Biełarusi — pa miaścinach, apietych Adamam Mickievičam: da voziera Śviciaź, u Zavośsie, Tuhanavičy, Navahradak… U hetych miaścinach, jak kaža aŭtar, raman 200-hadovaj daŭniny, što pajadnaŭ Marylu Vieraščaku j Adama Mickieviča, u apoviedach starych ludziej dahetul maje smak skandału. Aŭtar pakazvaje taksama, jak usprymajuć žychary Biełarusi ciapierašniaje žyćcio: hutaryć z žycharami viosak i haradoŭ, zubroŭcami i asiełymi ŭ Biełarusi rasiejcami.
