U Biełarusi ŭviedziena moda na płahijat 6

Vyjšaŭ novy numar časopisa «Biełaruski histaryčny ahlad».

Centralnym materyjałam numaru źjaŭlajecca artykuł Hienadzia Sahanoviča «Moda na płahijat?», u jakim recenzujucca navukovyja i navukova‑publicystyčnyja tvory apošnich hadoŭ, dzie byŭ zaŭvažany nieprychavany płahijat: heta značyć cełyja staronki bieź źmienaŭ, ažno da kožnaj koski staranna pierapisanyja ź inšych daśledavańniaŭ.

Płahijat praciaŭ usie śfiery biełaruskaha navukovaha i kalanavukovaha asiarodka. Pry tym što zakanadaŭstva Respubliki Biełaruś dazvalaje žorstka karać za takija rečy.

U toj ža Ukrainie i Polščy z płahijatarami abychodziacca žorstka: aproč inšaha čałavieka paprostu vykidajuć z navukovaha asiarodka, budź jon choć trojčy doktaram navuk.

U śviežym numary BHA taksama drukujucca artykuły Uładzimira Padalinskaha «Palityčnaja elita Lidskaha pavieta ŭ pieršaj treci XVI st.», Jaŭhiena Hrebienia «Złačynnaść u Biełarusi ŭ hady nacysckaj akupacyi», Juryja Turonka «Rola Mikałaja Pachlabajeva ŭ zamachu na Kube».

Jak zaŭsiody šmat recenzij na histaryčnyja knihi, zbolšaha na inšamoŭnyja.

Biełaruski histaryčny ahlad. Tom 16. Sšytak 1 (30), Červień 2009. — 340 s.

Biełaruski histaryčny ahlad — niezaležny časopis, vydajecca ad 1994 h. Hałoŭny redaktar — Hienadź Sahanovič.

Nabyć śviežy numar možna ŭ niezaležnych raspaŭsiudnikaŭ, pradajecca taksama ŭ Akademknizie.

nn.by

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH