Jak paviedamlajuć dziaržaŭnyja infarmacyjnyja ahienctvy, 20 kastryčnika ŭ sakrataryjat Arhanizacyi damovy ab kalektyŭnaj biaśpiecy (ADKB) pastupiŭ pakiet dakumientaŭ, padpisany Alaksandram Łukašenkam.
Najpierš havorka tut pra pahadnieńnie ab stvareńni Kalektyŭnych sił apieratyŭnaha reahavańnia ADKB, jakoje doŭhi čas ihnaravała Biełaruś.
Pieršapačatkovaje padpisańnie adbyłosia jašče ŭ siaredzinie červienia ŭ Maskvie, ale Łukašenka nie pryjechaŭ na toj samit praz małočny kanflikt z Rasijaj. Tady damovu padpisali Rasija, Kazachstan, Armienija, Tadžykistan, Kyrhyzstan i Uźbiekistan.
Padčas nastupnych sustreč z rasijskim kiraŭnictvam Łukašenka niaźmienna abiacaŭ padpisać usie nieabchodnyja papiery, ale sprava zaciahvałasia.
Na minułym tydni kiraŭnik Biełarusi nie pryjechaŭ na pieršyja vučeńni kalektyŭnych sił apieratyŭnaha reahavańnia ADKB «Uzajemadziejańnie‑2009», što prachodziać na palihonie Matybułak u Džambulskaj vobłaści Kazachstanu. Choć tam byli prezidenty inšych krain.
«Nietaktyčna było b pryśpiešvać Łukašenku z padpisańniem», — zajaviŭ pres‑sakratar ADKB Struhaviec.
