Vystava «Retra-transpart u kiniematohrafie» pracavała ŭ niadzielu kala budynka kinastudyi «Biełaruśfilm».
Na placoŭcy pierad kinastudyjaj raźmiaścili transpart, jaki ŭdzielničaŭ u zdymkach filmaŭ. Najpierš heta vajskovaja technika. Bronietransparcior BA-20, HAZ AA «pałutarka», niamiecki tank T-3, jakija vykarystoŭvalisia pry zdymkach «Dniaproŭskaha rubiaža», «Bresckaj krepaści». Byli vystaŭleny i savieckija aŭtamabili 1950-ch hadoŭ. Heta «Maskvič», HAZ M20 «Pieramoha» 1955 hoda. Ich zadziejničali ŭ pracy nad «Stylahami» Valeryja Tadaroŭskaha.
Zamiežnaja technika była pradstaŭlena ADLER-WERKE, matacykłam ZUNDAPP 1936 hoda vypusku, BMW.
Vystavy prymierkavana da 10-hodździa Tavarystva abarony pomnikaŭ techniki i transpartu «Naša Pieramoha» i Dnia aŭtamabilista.
Salist «Staroha Olsy» Źmicier Sasnoŭski, vialiki amatar aŭta-retra, apranuŭsia ŭ formu. Sam jon jeździć na starym «Maskvičy».