Dziesiatki ściahoŭ vyviesili na hałoŭnym praśpiekcie stalicy aktyvisty «Jeŭrapiejskaj Biełarusi». Milicyja zatrymała fotakarespandentaŭ Juliju Daraškievič i Ŭładziu Hrydzina, jakija fatahrafavali.
Praśpiekt Niezaležnaści.
Źniata ŭžo ź milicejskaj mašyny...
Och i ciažkaja heta rabota...
U Minsku abapał praśpiektu Niezaležnaści, na adcinku ad vulicy Makajonka da aŭtavakzału «Maskoŭski», na lichtarnych słupach visić niekalki dziasiatkaŭ bieła-čyrvona-biełych ściahoŭ. Ludzi na vulicach uzrušylisia, zdymali na mabilniki, śmiajalisia. «Heta što? Łukašenka pamior?» -- spytaŭsia adzin chłopiec druhoha ŭ prysutnaści karespandenta.
Milicyja zatrymała 5 čałaviek, u tym liku fotakarespandentaŭ Juliju Daraškievič i Ŭładziu Hrydzina. Zatrymanych dastavili ŭ Pieršamajski RUUS.
Hrydzinu ŭ milicejskim aŭto nadavali pa karku. Fotažurnalist paśpieŭ paviedamić, što bili jaho siaržant i praparščyk. Ich tvary jon zapomniŭ i źbirajecca padać skarhu.
Hrydzina i Daraškievič vypuścili kala 23.30. Jula tak i nie dazvoliła siabie abšukać.
Na astatnich zatrymanych składajucca pratakoły ab administracyjnym parušeńni. Heta Aleh Ładućka i Naścia Askierka. Piataja -- Halina Piarvušyna, prachožaja, jakuju zatrymali za toje, što jana fatahrafała ściahi.
Ich advieźli ŭ turmu na Akreścina.
Ranicaj 30 kastryčnika ich buduć sudzić u sudzie Pieršamajskaha rajonu stalicy (vuł. Tałbuchina, 9) pa abvinavačańni ŭ drobnym chulihanstvie.
