Hrupa z 18 čałaviek Smalenskaj dziciača‑iunackaj spartovaj škoły alimpijskaha reziervu ŭdzielničała u spabornictvach u Mahilovie.
Kali jany viarnulisia ŭ Smalensk 6 dziaciej i adzin z supravadžajučych darosłych byli chvoryja na vostruju virusnuju infiekcyju. U traich ź ich łabaratorna paćvierdžany «śviny hryp».
«Z hetaj hrupy ŭ traich łabaratorna paćvierdžany dyjahnaz hrypu, vyklikanaha virusam A/H1N1 09», — paviedamiła Jeŭraradyjo načalnik adździeła epidemijałahičnaha nahladu Ŭpraŭleńnia Rasspažyŭnahladu pa Smalenskaj vobłaści Halina Krucilina.
Hrupa ŭdzielničała ŭ spabornictvach z 19 pa 22 kastryčnika. Pieršy futbalist zachvareŭ 26‑ha kastryčnika, na čaćviorty dzień paśla viartańnia z Mahilova. Inkubacyjny pieryjad hrypa A/H1N1 maksimum 7 dzion, kaža Halina Krucilina.
«Usio układajecca ŭ inkubacyjny pieryjad. Z poŭnaj upeŭnienaściu kazać nielha, ale sudziačy pa raźvićci situacyi, chutčej za ŭsio jany zachvareli ŭ Mahilovie».
Darečy, paćvierdzicca «śviny hryp» moža i ŭ astatnich čatyroch chvorych. Tamu ich taksama lečać mienavita ad hrypu A/H1N1.