Va Ukrainie na try tydni budzie ŭviedziena zabarona na ŭsie masavyja schody, škoły buduć začynienyja na karancin.
«Ź siońniašniaha dnia ŭsie biez vyniatku navučalnyja ŭstanovy Ukrainy, usich uzroŭniaŭ i form ułasnaści, sychodziać na trochtydniovyja vakacyi», — skazała Cimašenka na ekstrannym pasiadžeńni urada ŭ piatnicu.
Aproč taho, pavodle słovaŭ premjera, Kabiniet ministraŭ siońnia ŭchvalić rašeńnie pra admienu ŭsich masavych schodaŭ, kancertaŭ i kinasieansaŭ, ci jašče jakich‑niebudź zboraŭ ludziej na hetyja try tydni.
Pa zakančeńni ŭstupnaha słova premjer‑ministra jaje pres‑sakratar Maryna Saroka patłumačyła žurnalistam,
što karancin uvodzicca na terytoryi dzieviaci abłaściej Ukrainy, adnak pałažeńnie nakont trochtydniovych vakacyj va ŭsich navučalnych ustanovach stasujecca da ŭsioj krainy.
U troch abłaściach (Ivana‑Frankoŭskaj, Ciarnopalskaj, Lvoŭskaj) pieravyšany epidemičny paroh, u troch susiednich (Zakarpackaj, Čarnavickaj, Rovienskaj, Chmialnickaj, Vińnickaj, Vałynskaj) taksama jość vypadki zachvorvańnia na hryp A/H1N1.
