Zianon Paźniak prapanuje 19 sakavika iści z sapraŭdnymi biuleteniami na płošču («Paźniak prapanuje narodnaje hałasavańnie», «NN», №1, 6 studzienia), adnak nia ŭličvaje, što najaŭnaść ujaŭna «lišnich» biuleteniaŭ u rukach ludziej dazvalaje pačynać masavy chapun jašče da płoščy, na padychodach.
Ale jość i racyjanalnaje ziernie — zrabić biuleteń indyvidualnym. Adzin z varyjantaŭ — prosta prahałasavać za Milinkieviča, a ŭ dadatak da podpisaŭ sakratara i staršyni kamisii — pastavić svoj podpis, treci, za podpisami staršyni i čalca kamisii. Paśla ŭziać čysty list papiery, na im napisać numar svajho ŭčastku i svajo proźvišča i iści na płošču. Tam sabrać hetyja arkušy papiery pavodle numaroŭ učastkaŭ. A paśla hetaha patrabavać ad Jarmošynaj i kamandy pakazać biuleteni z adpaviednych učastkaŭ i vyłučyć z kožnaha ź ich adpaviednuju kolkaść biuleteniaŭ za Milinkieviča. Adzinaje, što jany zmohuć, — abviaścić biuleteni ź lišnim podpisam niesapraŭdnymi — ale tady my vyjhrajem vybary koštam vialikaha pracentu niesapraŭdnych biuleteniaŭ. I vybary prosta nie adbuducca.
