Što my viedajem pra svabodu, jakoj jaje ŭjaŭlajem i chočam bačyć u Biełarusi? Prapanujem tvorča adkazać na hetaje pytańnie ŭ vyhladzie DYZAJNIERSKAHA PRYNTA.
Kali Vy čas ad času zabaŭlajeciesia ŭ fotašopie ci korale, albo tvorča ździekujeciesia nad fotazdymkami siabroŭ, albo źjaŭlajeciesia sapraŭdnym patryjotam i ad usiaho serca žadajecie, kab Biełaruś była volnaj, albo Vy małady ci daśviedčany dyzajnier, jaki choča zarabić hrošaŭ – udzielničajcie ŭ konkursie, prapanoŭvajcie svaje varyjanty «Cišotki volnaha biełarusa».
Tolki pamiatajcie — Vaš prynt pavinien stać sapraŭdnym adlustravańniem volnaści i zdarovaha patryjatyzmu maładych biełarusaŭ.
Da 29 listapada na paštovuju skryniu [email protected] prymajucca raspracavanyja Vami varyjanty malunkaŭ (pryntoŭ), jakija ŭ dalejšym mahčyma znojduć uvasableńnie na cišotkach biełarusaŭ.
Usie konkursnyja pracy buduć źmieščany na aficyjnym sajcie kampanii: tishotka.blog.tut.by
Pieramožcy konkursa «Cišotki volnych biełarusaŭ» atrymajuć hrašovyja ŭznaharodžańni za pieršaje, druhoje i treciaje miesca ŭ pamiery 400, 300 i 200 tys. bieł. rubloŭ adpaviedna.
Usie ŭdzielniki konkursa pa raspracoŭcy malunkaŭ paśla jaho zakančeńnia ŭ jakaści padarunkaŭ atrymajuć cišotki z pryntami pieramožcaŭ.
Asobny śpiecyjalny pryz u naminacyi «Biełaruskaja svaboda» pryznačyŭ Ruch « Za svabodu».
Patrabavańni da prac:
kožny malunak pavinien być paznačany nastupnym čynam: Imia i proźvišča Nazva Raźmiaščeńnie (Pierad ci Śpina);
razam z malunkam ABAVIAZKOVA paznačcie imia, proźvišča, uzrost, paštovy adras dla pierasyłki cišotki, e‑mail, telefon.
Techničnyja patrabavańni da pryntoŭ:
viektarnaja hrafika: prymajucca fajły źviarstanyja ŭ Corel Draw 12 (*.cdr), Adobe Illustrator 12 CE (*.ai), FreeHand 10 (*.eps), viersii dadatkaŭ mohuć być i raniejšymi;
rastravaja hrafika: prymajucca fajły źviarstanyja ŭ (*.tif), Adobe Photoschop (*.psd);
tolki ŭ vyklučnych vypadkach prymajucca pracy ŭ inšych farmatach: (*.png), (*.gif), (*.jpeg);
makiet pavinien być vykanany ŭ maštabie 1:1 (pamier viorstki pavinien adpaviadać pamieru dla dalejšaha druku na cišotcy).
Žury konkursu:
Dźmitryj Surski — Staršynia Biełaruskaha sajuzu dyzajnieraŭ;
Volha Kuźmič — kaardynatar tvorčaha sieciŭnaha resursu Generation.bY;
Vinsent — rep‑vykanaŭca;
Valaryna (Valeryja Kustava) — paet, litaratar, pierakładčyk;
Juraś Hubarevič — palityk, namieśnik staršyni Ruchu «Za svabodu»;
Hleb Łabadzienka — žurnalist, piśmieńnik.
Dasyłajučy pracy na konkurs, udzielnik aŭtamatyčna paćviardžaje prava na dalejšaje vykarystańnie prynta ŭ miežach kampanii.