Alaksandr Łukašenka atrymaŭ zvańnie hanarovaha doktara Kijeŭskaha nacyjanalnaha univiersiteta imia T.Šaŭčenki. Dypłom uručyŭ u čaćvier rektar hetaj navučalnaj ustanovy.
Zvańnie było prysvojena Alaksandru Łukašenku za vialiki ŭkład u spravu raźvićcia dvuchbakovych biełaruska-ŭkrainskich adnosin, umacavańnie kulturnych i adukacyjnych suviaziej. Ciapier hanarovymi daktarami univiersiteta źjaŭlajucca 75 čałaviek.
Siarod ich premjer-ministr Indyi Indzira Handzi, eks-prezident ZŠA Bił Klintan, eks-prezident Čechii Vacłaŭ Havieł, a taksama Isłam Karymaŭ, Michaił Saakašvili, Emamali Rachmon.
Kiraŭnik biełaruskaj dziaržavy taksama pakinuŭ zapis u Knizie hanarovych haściej Kijeŭskaha nacyjanalnaha univiersiteta. «Pryjemna, što vaš univiersitet dastojna pradaŭžaje tradycyi prymnažeńnia adukacyjnaha, kulturnaha, intelektualnaha patencyjału nie tolki Ukrainy, ale i ŭsioj Jeŭropy, - havorycca ŭ zapisie. - Vysokaj acenki zasłuhoŭvaje dziejnaść vašaha kalektyvu pa ŭmacavańniu i pašyreńniu suviaziej pamiž brackimi narodami Biełarusi i Ukrainy».
0
0
0
0
0
0
