U Biełarusi žyvuć amal 120 tysiač musulman — pradstaŭniki 32 etnasaŭ, častka ź jakich pakul nie adaptavałasia da biełaruskaj rečaisnaści.
Pra heta zajaviŭ 11 listapada ŭ Minsku na kanfierencyi pa chryścijanska‑iudzieskim dyjałohu staršynia Musulmanskaha relihijnaha abjadnańnia ŭ Respublicy Biełaruś muftyj Abu‑Biekir Šabanovič.
Jon adznačyŭ, što jamu niaredka davodzicca vysłuchoŭvać paproki pradstaŭnikoŭ šerahu musulmanskich etnasaŭ, jakija krytykujuć jaho za supracoŭnictva ź judziejskimi hramadami Biełarusi.
Miž tym, jak zajaviŭ Šabanovič, chacia historyja judaizmu naličvaje 5 tysiač hadoŭ, chryścijanstva — bolš za 2 tysiačy hadoŭ, a isłamu — 1.430 hadoŭ, usie hetyja monateistyčnyja relihii siłkujucca adnymi vytokami. Voś čamu, jak ličyć muftyj, narody‑braty Izraila i Paleściny z brackimi relihijami pavinny šukać šlachi da supracoŭnictva, kab žyć u adnoj dziaržavie, a nie ŭzvodzić pamiž saboj ścieny varožaści.
U jakaści prykładu salidarnaści musulman i judziejaŭ Šabanovič pryvioŭ historyju svajoj siamji. Pavodle jaho słoŭ, u dziacinstvie jon byŭ vyratavany ad śmierci doktaram‑iaŭrejam, a letam 1943 hoda jaho maci ŭ horadzie Iŭje (Hrodzienskaja vobłaść) chavała ad pieraśledu nacystaŭ troch jaŭrejskim junakoŭ, jakija ŭciakli ź miascovaha hieta.
Zahadčyk kafiedry historyi i teoryi daśledavańniaŭ Šenkarskaha kaledža inžyniernych technałohij i dyzajnu (Izrail) Michael Levin adznačyŭ, što XX stahodździe charaktaryzujecca aktyŭnym supracoŭnictvam iudziejaŭ i chryścijan u halinie sakralnaha mastactva. Siarod šmatlikich prykładaŭ takoha ŭzajemadziejańnia vučony nazvaŭ zbudavańnie ŭ centry stalicy Brazilii horada Brazilia kafiedralnaha katalickaha sabora pa prajekcie jaŭrejskaha architektara Oskara Nimiejiera. Pavodle słoŭ Levina, chram staŭ simvałam horada, a pomniki dojlidstva stalicy, dziakujučy mastactvu Nimiejiera, uklučany ŭ suśvietnuju spadčynu JUNIESKA.
