Nadzvyčajny ažyjataž vakoł sioletniaj navały hrypu nabyvaje ŭsio novyja formy. Tema antyvirusnych lekaŭ, śmierciaŭ ad pnieŭmanii nie sychodzić z pałosaŭ haziet i vusnaŭ ludziej. Voś užo i strachavyja kampanii adčuli kanjunkturu.
Tak, kampanija «Kupała» prapanuje śpiecyjalnuju pasłuhu: zaklučyŭšy damovu strachavańnia na vypadak časovaj straty pracazdolnaści ŭ vyniku chvaroby i niaščasnaha vypadku, u tym liku pry zachvorvańni na hryp,
klijent za košt kampanii atrymlivaje mahčymaść prajści biaspłatnuju vakcynacyju ad hrypu vakcynaj impartnaj vytvorčaści.
Navinka praduhledžvaje źnižki pry siamiejnym strachavańni, a taksama mahčymaść zaklučeńnia damovaŭ ź jurydyčnymi asobami na karyść ich supracoŭnikaŭ. U situacyi, kali vakcynacyja ŭ krainie spyniłasia pa pryčynie niastačy pryščepak, a płatnuju vakcynu možna atrymać tolki pa recepcie z hierbavaj piačatkaj palikliniki, prapanova «Kupały» vyklikaje cikavaść
«Dla našaj kampanii zareziervavali 50 vakcyn hałandskaj i francuzskaj vytvorčaści», — paviedamiŭ supracoŭnik strachavoj kampanii. Pa jaho słovach, śpiecprapanova karystajecca papularnaściu ŭ klijentaŭ.
«Heta padobna na rekłamny chod», — vykazała mierkavańnie supracoŭnica kampanii Biełhosstrach.
Pa jaje słovach, uvohule dosyć biessensoŭna strachavać siezonnyja ryzyki, kštałtu sioletniaha «śvinoha» hrypu.
U Biełhosstrachu možna nabyć strachoŭku ad raptoŭnaha zachvorvańnia, što moža pryvieści da časovaj straty pracazdolnaści, ale admysłovaha strachavańnia na vypadak hrypu niama.
Zastrachavacca na vypadak časovaj niepracazdolnaści prapanuje taksama i Biełaruski narodny strachavy piensijny fond. Adnak, tut havorka pra vakcynacyju nie viadziecca. Kampanija abiacaje kampiensavać ryzyku nastupleńnia časovaj niepracazdolnaści.
