Adzin z najbolšych i cikavych mieteornych patokaŭ — Leanidy — 17‑18 listapada dasiahnie svajho maksimumu. Leanidy štohod źjaŭlajucca ŭ listapadzie i latuć z suzorja Lva.
U hetyja dni možna pabačyć ad 20 da 80 padajučych zorak u hadzinu. Patok cikavy tym, što z pryčyny vializnaj chutkaści, na jakoj najdrabniejšyja kaśmičnyja čaścicy niasucca da Ziamli (71 km/s), zorki harać vielmi jarka, i ŭ dobraje biazchmarnaje nadvorje jany dobra bačnyja. Voś praŭda, u Biełarusi ich sioleta nie pabačyš. Sinoptyki prahnazujuć daždžy i tuman.
Raz na 33 hady mieteorny patok dasiahaje piku. Apošni raz ŭsplosk mieteorny aktyŭnaści naziraŭsia ŭ 1999‑m. Tady za hadzinu na Ziamlu ŭpała da tysiačy zorak.
Ale samy mahutny doždž prajšoŭ u 1966 hodzie (da 150 tys. mieteoraŭ u hadzinu), nastupny čakajecca ŭ 2099.
0
0
0
0
0
0