Zaćvierdžanyja kančatkovyja ceny na «Matč zorak Kantynientalnaj chakiejnaj lihi, jaki projdzie ŭ Minsku 30 studzienia 2010 h. na «Minsk-Arenie», paviedamlaje Priessboł sa spasyłkaj na pres-słužbu CHK «Dynama-Minsk».
U zaležnaści ad bačnaści i ŭmovaŭ prahladu matču bilety raźbityja na 3 katehoryi:
1-ja katehoryja – 17-34 šerahi siektaroŭ – 70 tys. rubloŭ.
2-ja katehoryja – 1-16 šerahi siektaroŭ ź niedastatkovaj bačnaściu (za varotami) – 80 tys. rubloŭ..
3-ja katehoryja – 1-16 šerahi siektaroŭ z dobraj bačnaściu – 100 tys. rubloŭ.
U asobnuju katehoryju vyłučyli VIP-łožy, raźličanyja na 10 čałaviek. Arenda VIP-łožy na «Matč zorak KCHŁ» budzie kaštavać 7 młn rubloŭ.
Bilety pastupiać u prodaž 1 śniežnia, za dva miesiacy da pačatku Matču zorak KCHŁ.
Ceńnik užo vyklikaŭ buru niezadavalnieńnia na forumie Priessboła, dzie była apublikavana navina.
Hledačy sychodziacca na tym, što kali jašče adnamu čałavieku schadzić choć i doraha, ale prymalna za 70-80 tys. u paraŭnańni za pachod na chakiej ź dziciem ci ź siabroŭkaj (žonkaj) + suvienirnaja pradukcyja, padjeści – usio heta vylataje ŭ salidnuju kapiejčynu.
Toje ž tyčyć i hledačoŭ z rehijonaŭ, dzie zarobki mienšyja + dajezd da stalicy. Taki chakiej nam nie patrebny, pierafrazujuć słovy Mikałaja Vozierava čytačy.
