Padčas abmierkavańnia pierśpiektyŭ raźvićcia biełaruskaj stalicy Alaksandr Łukašenka ŭchvaliŭ padychody pa karektury hienieralnaha płana Minska da 2030 hoda.
Jak paviedamiła pres-słužba prezidenta, na mierapryjemstvie, jakoje adbyłosia 20 listapada ŭ Minskaj haradskoj ratušy, u centry ŭvahi byli try asnoŭnyja pytańni: ab karektury hienieralnaha płana Minska da 2030 hoda, ab padrychtoŭcy haradskoj infrastruktury da praviadzieńnia čempijanatu śvietu pa chakiei ŭ 2014 hodzie i ab realizacyi niekatorych inviestycyjnych prajektaŭ.
Hienpłan stalicy byŭ zaćvierdžany ŭ 2003 hodzie, ale «ŭ suviazi z aktyŭnym raźvićciom stalicy, značnym pavieličeńniem kolkaści jaje žycharoŭ i majučym adbycca čempijanatam śvietu» spatrebiłasia ŭnieści karektyvy ŭ dakumient.
Padčas dakłada adznačałasia,
što ŭ abmierkavańni hienpłana ŭdzielničali kala 8 tys. minčan, pažadańni jakich byli ŭličanyja.
Pavodle słoŭ hałoŭnaha architektara horada Viktara Nikicina, pry praviadzieńni kompleksnaj zabudovy niekatorych žyłych rajonaŭ
nie buduć znosicca ŭsie ahułam pryvatnyja damy, jak płanavałasia raniej.
Tyja ź ich, jakija adpaviadajuć sučasnym patrabavańniam haradskoha vobliku, zastanucca.
Łukašenka zhadziŭsia z prapanavanymi płanami budaŭnictva novaha šmatfunkcyjanalnaha kompleksu z haścinicaj «Kiempinski» ŭ ramkach padrychtoŭki da čempijanatu śvietu.
Kompleks raźmieścicca na ŭčastku ŭ miežach praśpiekta Niezaležnaści, vulicy Janki Kupały i raki Śvisłač niepadalok ad Biełdziaržcyrka. Jaho płanujecca pabudavać ŭ 2013 hodzie.
Da kanca 2013 hoda pavinien źjavicca
«vysakakłasny futbolny stadyjon na miescy ciapierašniaha «Traktara» kala Partyzanskaha praśpiekta.
«Heta pavinien być stadyjon na 45 tys. miescaŭ. I jon pavinien adpaviadać suśvietnym standartam», — skazaŭ Łukašenka. Na stadyjonie buduć trybuny krytaha typu.
Stadyjon «Dynama» zastaniecca adkrytym, jon budzie rekanstrujavany.
Na terytoryi nie budzie handlovych abjektaŭ i dabaviacca abjekty hramadskaha charčavańnia.
Pa pierymietry stadyjona płanujecca pabudavać zały dla niekatorych vidaŭ sportu. Taksama budzie abnoŭlena sistema aśviatleńnia «Dynama». Vakoł stadyjona da 2014 hoda zapłanavana budaŭnictva «niekalkich vysakakłasnych haścinic».
Vakoł Minska namiečana taksama pabudavać
druhuju kalcavuju aŭtadarohu, jakaja złučyć mahistralnyja napramki Maskva — Bierlin i Vilnia — Kijeŭ.
Viktar Nikicin paviedamiŭ, što na pieršym etapie płanujecca budaŭnictva paŭkoła daŭžynioj 50 km, jakoje złučyć abodva mahistralnyja napramki.
Razmova išła taksama ab tym, kab u pierśpiektyvie abmiežavać ujezd inšaharodniaha transpartu ŭ Minsk, kab «razhruzić nasyčany aŭtamabilny ruch u stalicy». U vypadku pryniaćcia takoha rašeńnia treba budzie stvarać «adpaviednuju infrastrukturu na ŭjeździe ŭ horad», u pryvatnaści stvarać aŭtamabilnyja stajanki, a taksama zabiaśpiečyć u hetych miescach ruch haradskoha transpartu.
U suviazi z tym, što kolkaść žycharoŭ stalicy imkliva raście, Łukašenka vykazaŭ mierkavańnie, što nasielnictva Minska pavinna pryrastać pieravažna za košt haradoŭ-spadarožnikaŭ. U najbližejšy čas čakajecca stvareńnie novych žyłych mikrarajonaŭ u haradach-spadarožnikach.
U 2011 hodzie płanujecca ŭvieści žyły rajon u Smalavičach, prapracoŭvajecca anałahičny prajekt dla Zasłaŭja.
Łukašenka zajaviŭ pra niedapuščalnaść addavać pad zabudovu vysokaŭradlivyja vornyja ziemli. Takija ziemli mohuć być zadziejničanyja pad budaŭnictva «ŭ samych vyklučnych metach». Biełaruski kiraŭnik zapatrabavaŭ, kab haradskija ŭłady raspracavali ałharytm vykarystańnia vysakajakasnych vornych ziamiel, jaki byŭ by ŭniesieny ŭ hienieralny płan Minska.
Łukašenka daručyŭ taksama razhledzieć pytańnie ab farmiravańni płana efiektyŭnaha razhrupavańnia pramysłovych pradpryjemstvaŭ pa krainie. Pavodle jaho słoŭ, vyniesienyja za miežy Minska pradpryjemstvy nie pavinny praź niekalki hadoŭ znoŭ apynucca ŭ miežach horada.
