Biełaruś nie źviartałasia da Rasii pa dapamohu ŭ rasśledavańni šerahu hučnych złačynstvaŭ, u tym liku vykradańnia teleapieratara kanała ORT Dźmitryja Zavadskaha ŭ 2000 hodzie. Pra heta paviedamiŭ prezident Rasii Dźmitryj Miadźviedzieŭ 23 listapada ŭ intervju biełaruskim ŚMI ŭ padmaskoŭnaj rezidencyi «Barvicha».
«Ja nie viedaju, jakija zvaroty byli da taho, ale ŭ maju bytnaść prezidentam takich zvarotaŭ da mianie nie było», — skazaŭ jon.
Pry hetym Miadźviedzieŭ padkreśliŭ, što ŭsie złačynstvy, učynienyja na terytoryi Biełarusi, jak i na terytoryi Rasii, «pavinny być rasśledavany, pakul u ich nie budzie pastaŭlena kropka, nie znojdzieny vinavatyja, nie ŭstanoŭlena, što adbyłosia». «Biassprečna, i pa hetych złačynstvach pavinna być pastaŭlena kropka», — adznačyŭ jon.
