I, sapraŭdy, siarod zabitych byli dva vysokija čynoŭniki. Samaje strašnaje, što heta moža być nie adzinkavy terakt. Heta moža stać pačatkam sieryi.
Pieršaje, što kidajecca ŭ vočy — heta maŭčańnie Uładzimira Pucina. Kožny raz, kali zdarajecca terakt, Uładzimir Pucin, jaki demanstruje z hołym torsam svaju mužnaść na adpačynku abo ŭ kabinie bajavoha źniščalnika, maŭčyć.
Jon maŭčaŭ uvieś «Nord‑Ost» i ŭvieś Biesłan. Kali pierad Biesłanam uzarvali dva samaloty, ułada dva dni raskazvała, što samaloty zvalilisia sami.
Druhoje, što kidajecca ŭ vočy: nam znoŭ chłusiać ab kolkaści achviar — taksama, jak pry vybuchu na «Aŭtazavodskaj» abo pry katastrofie na Sajana‑Šušanskaj HES. Što značyć: «25 zahinuli, 26 źnikli bieź viestak»?
Kudy možna źniknuć bieź viestak z vahona, «bitkom nabitaha trupami», pa śviedčańniach vidavočcaŭ?
Adna z adnoj z hrup padazravanych — vachabity. Paśla taho jak prezidentam Inhušecii pryznačyli Junuśbieka Jaŭkurava, isłamisty pazbavilisia ŭ Inhušecii prytułku i bazaŭ i pierajšli ŭ nastup. Padryŭ Nazranskaha HUUS, zamach na Jaŭkurava, zabojstva kiraŭnika MUS Dahiestana, zamach na Kadyrava — iduć adzin za druhim.
Z‑za bardaku i pravavoha biaźmiežža siły ekstremistaŭ rezka ŭzraśli, a fiederalnyja čynoŭniki i siłaviki, farmalna zmahajučysia z ekstremizmam (i rasstrelvajučy, chto trapicca pad ruku), na spravie prosta subsidujuć jaho i adkupajucca ad bajevikoŭ dziela ŭłasnaj biaśpieki častkaj taho, što skrali ź biudžetu.
Tolki ŭ Inhušecii svajaki prezidenta Ziazikava płacili vachabitam pa 30 młn rub. u miesiac,
pa pryznańni byłoha načalnika achovy i stryječnaha brata prezidenta Ziazikava Rusłanbieka Ziazikava.
U Dahiestanie vachabity, jakija jašče niadaŭna byli marhinałami, pieratvarylisia ŭ sistemny faktar, abkłali daninaj biudžet i biźnies. Prezident Dahiestana Muchu Alijeŭ viedaje pra heta vydatna, adnak zamiest taho, kab vymavić choć adno publičnaje słova asudžeńnia na adras ekstremistaŭ, vybivaje ŭ Maskvie hrošy na finansavańnie prajektaŭ, jakija, u siłu ich hieahrafičnaha raźmiaščeńnia i śpiecyfiki biznesu ŭ Dahiestanie, źjaŭlajucca prajektami pa finansavańni ekstremistaŭ.
U Kabardie niadaŭna złavili šajku, jakaja vymahała hrošy ŭ pradprymalnikaŭ, demanstrujučy im videa amira Anzora Astemirava, prosiačy hrošaj «na džychad». Vymahalnikami akazalisia mianty. Miantam padałosia bolš pierakanaŭčym pradstaŭlacca vachabitami.
Pakul adzinaj siłaj, jakaja realna zmahajecca z ekstremistami na Kaŭkazie, źjaŭlajecca Kadyraŭ.
I naturalna, što rana ci pozna da ekstremistaŭ pavinna było dajści, što ŭ
stalavać bombu na biaźludnym pierahonie kala Ćviery značna tańniej i praściej,
čym z dapamohaj śmiarotnika sprabać padarvać na budoŭli Kadyrava i Delimchanava. U luboha, chto znajomy z abstanoŭkaj na Kaŭkazie, nie ŭźnikaje pytańnie: «Čamu nie hučać vybuchi na Kaŭkazie?» Jość pytańnie: «Čamu niama vybuchaŭ u Maskvie?»
Druhaja hrupa padazravanych — fašysty. Paśla aryštu Mikity Cichanava i Jaŭhienii Chasis, mierkavanych zabojcaŭ Stanisłava Markiełava i Anastasii Baburavaj, akazałasia, što padazravanyja blizkija da arhanizacyjam «Russkij vierdikt» i «Russkij obraz», padbuchtorvajucca inakiroŭvajucca ideołahami Kramla ŭ ramkach prajektu «kirujemaha nacyjanalizmu». Adrazu paśla aryštu, u adpaviednaści z pradkazańniami Haliny Kažeŭnikavaj, namieśnicy kiraŭnika centra «SOVA», adbyłasia pieršaja hučnaja akcyja fašystaŭ: byŭ zabity antyfašyst Ivan Chutarskoj.
«Kamsamołka» apublikavała pra jaho śmierć artykuł, ź jakoha vynikała, što achviara fašystaŭ sam byŭ niahodnikam.
Heta znakavy artykuł, asabliva kali ŭličyć, što adnaho ź ideołahaŭ «Kamsamołki», Dźmitryja Ściešyna, vyklikali na dopyt pa spravie ab zabojstvie Markiełava i Baburavaj. Jon asabista znajomy ź mierkavanymi zabojcami.
Nasamreč na dopyt z nahody «Russkoho vierdikta» i «Russkoho obraza» treba vyklikać nie Dźmitryja Ściešyna, a Uładzisłava Surkova. Nie tamu što namieśnik kiraŭnika kramloŭskaj Administracyi asabista źviazany z zabojcami, a tamu, što
prajekt «kirujemaha nacyjanalizmu» akazaŭsia zusim nie kirujemym. Jon apynuŭsia čystaj azefaŭščynaj.I zaraz uzhadavanyja ŭ ramkach hetaha prajektu arhanizacyi, jakija vałodajuć vialikaj kolkaściu zbroi i niemałoj kolkaściu sajuźnikaŭ va ŭładzie, lohka mohuć pierajści da žachlivych akcyj pomsty.
Abodva varyjanty — vachabity abo fašysty ‑‑ abjadnanyja adnym. Tatalnym, poŭnym raspadam ułady. Stupień kałapsu pravaachoŭnaj sistemy ŭ Rasii dasiahnuła takoj stupieni, što riezanansnyja zabojstvy, jakija b u luboj krainie narabili šumu na miesiacy, u Rasii adbyvajucca kožny dzień.
U mirny čas zabojstva — heta navina, na vajnie — statystyka. U nas śmierć ŭžo pieratvaryłasia ŭ statystyku, i pucinskaja elita, jakaja šturchnuła krainu ŭ hety bardak, daremna ličyć, što jana moža vyratavacca z dapamohaj asabistych rachunkaŭ, asabistych miantoŭ i asabistaj družby.
Usia kraina sieła na «Nieŭski ekspres».
U adnym vahonie jeduć pucinskija čynoŭniki; u inšym biźniesmieny; ŭ trecim majory Jeŭsiukovy, u čaćviortym — nasielnictva.
A mašynist Uładzimir Pucin vydaje lhoty «Rasnafty», kredyty «AŭtaVAZ» i mužna paziruje pierad fatohrafami ŭ kabinie źniščalniki.
