5 śniežnia ŭ Minsku dzieviać moładzievych arhanizacyj abjavili pra stvareńnie kaalicyi «Novaje pakaleńnie». Na sustrečy lideraŭ arhanizacyj Z. Daškievič mieŭ pradstavić «Małady front».
20:00
Lider «Maładoha Frontu» raspavioŭ akaličnaści siońniašniaha incydentu. Pryblizna ab 11-j hadzinie na vychadzie z kvatery ź vierchniaj placoŭki da jaho padskočyli dva zdarovych dzieciuka i paciahnuli jaho na vulicu. Tam kinuli ŭ mikraaŭtobus i pajechali. Šlach jon nie zapomniŭ, bo na hałavu naciahnuli dźvie šapki. U Źmitra adabrali telefony, noŭtbuk i torbu. Pieršyja dźvie, ci dźvie z pałovaj hadziny nieviadomyja pieramaŭlalisia. «Kazali niešta kštałtu – kolki ty jašče budzieš chadzić da majoj Maryny. Rabili vyhlad, što jany nie milicyjanty, ale ja čuŭ, jak u ich pracavali racyi», – kaža Źmicier. Potym jaho pierasadzili ŭ inšy mikraaŭtobus. Jaho pasažyry amal uvieś čas maŭčali. Tolki kali aŭto spyniłasia, adzin ź ich sa słovami «pajdu kapać» vyjšaŭ vonki. Lidera MF vyciahnuli ź mikraaŭtobusa, praciahnuli praz rukavy palito koł, kab jon nie moh peŭny čas narmalna ruchacca, źniali ź jaho hałavy šapki i syjšli.
19:43
Źmicier Daškievič ciapier znachodzicca ŭ RUUSie Zavodskaha rajonu, dzie afarmlaje skarhu na dziejańni nieviadomych, jakija siońnia pryblizna ab 11-j hadzinie vykrali ź jaho kvatery, što na Partyzanskim praśpiekcie, paviedamiła Taciana Šapućka. Pa słovach Źmitra, jaho čatyry hadziny vazili ŭ aŭto, nie źbivali.
***
Dzieviać moładzievych arhanizacyj, siarod jakich «Małady front», moładź BNF, «Pravy aljans» dy inšyja abjadnalisia ŭ kaalicyju «Novaje pakaleńnie», paviedamiaje Radyjo Svaboda. A 12 hadzinie pradstaŭniki arhanizacyj sa svaimi liderami sabralisia kala skveru Janki Kupały. Za imi nazirali kiraŭniki haradskoj milicyi, a taksama Centralnaha rajonu Minsku. Jany papiaredžvali, što ŭ pry sprobie praviadzieńnia vuličnaj akcyi, budzie ŭžytaja siła. U dvary Doma veteranaŭ stajali dva aŭtazaki sa śpiecnazaŭcami.
Lider «Maładoha frontu» na sustreču nie pryjšoŭ, jahony telefon nie adkazvaŭ. Telefanavańni ŭ rajadździeły milicyi horadu plonu nie prynieśli.
Tolki pryblizna a pałovie na 5-ju viečara Źmicier vyjšaŭ na suviaź, paviedamiła NN pres-sakratarka MF Taćciana Šapućka. Pa słovach Źmitra, ranicaj jaho schapili nieviadomyja, advieźli ŭ Łahojski rajon za 70 km ad stalicy, dzie prosta vykinuli z aŭto.Pa Źmitra vyjechali siabry.
***
Siońniašni incydent ź lideram «Maładoha Frontu» nie pieršy ŭ dačynieńni da aktyvistaŭ moładzievych arhanizacyj.
19 śniežnia 2008 hoda padobny vypadak zdaryŭsia z moładzievym lideram Arturam Finkievičam. Tady, pavodle jahonych śviedčańniaŭ, Artura schapili nieviadomyja, naciahnuli na hałavu zimovuju šapku i zaciahnuli ŭ mikraaŭtobus. Pa darozie chłopca, pa jaho słovach, uvieś čas źbivali. U vyniku Artura pryvieźli pad Vałožyn i vykinuli z aŭto.
25 sakavika 2009 hoda maładafrontaŭcy Nasta Pałažanka i Dzianis Karnoŭ byli zatrymanyja kala stancyi mietro «Kamiennaja horka». Ich siłaj zakinuli ŭ mašynu, adabrali mabilnyja telefony, nasunuli na vočy šapki i pavieźli ŭ Hrodzienskim napramku. Nastu vysadzili ŭ rajonie vioski Tarasava, Dzianisa Karnova advieźli pad Dziaržynsk. Pa darozie jamu zrezali nažom štany, źbili, a potym vykinuli z mašyny.
