Biełaruskaja kultura
Niama biełaruskaj kultury
Daju biełaruskaj kultury
Vinavaču biełaruskuju kulturu
Pasłuhujusia biełaruskaj kulturaj
Razmaŭlaju ab biełaruskaj kultury
Samaja praskłanianaja za hety hod hramadskaja kampanija «Budźma biełarusami!» śviatkavała spaŭnieńnie hetaha samaha hodu ŭ Teatry biełaruskaj dramaturhii. Było karparatyŭnieńka i interaktyŭnieńka:
hledačy hladzieli na scenu, dzie vystupali Aleś Kamocki, «Krambambula» i IQ-48, a vystupoŭcy ŭ svaju čarhu mahli zirkać na nasamrečnych Radzima Hareckaha i Pita Paŭłava, što siadzieli ŭ partery. Źmicier Vajciuškievič śpiavaŭ na słovy prysutnych u zali Leanida Drańko-Majsiuka, Hienadzia Buraŭkina i patryjarcha biełaruščyny Ryhora Baradulina. Patryjarch u svaju čarhu žvava reahavaŭ na scenie i navat ahučyŭ ekspromt u honar kancertu.
Zajaŭlenaha šou nie atrymałasia — u zali nie było kaho ździŭlać i ŭma(ŭ)lać być biełarusami: pahadziciesia, niedarečna tłumačyć pra kaštoŭnaść ajčynnaha kulturnaha pradukta aŭtaru «Nar.alboma» Michału Aniempadystavu. Uvohule, usio nahadvała nie pieršuju hadavinu budźmaŭskaha žyćcia, jak uparta ćvierdzili viadoŭcy, a pieršuju hadavinu viasiella pamiž «Bud́maj« i biełaruščynaj: choć luboŭ užo jość, adnak kachańnia jašče chočacca.
Što źmianiŭ kancert «Budźmy»:
1. Na kancercie «Budźma!», peŭna, kačatkova zamacavaŭsia Takindanh u jakaści aficyjnaha tvara biełaruščyny.
2. Zaćvierdžany aficyjny napoj kampanii: kvas (jaho padnosili ŭsim, navat zaŭziatym prychilnikam krambambuli — tyja nie admaŭlalisia).
3. Byli zaćvierdžanyja novyja nakirunki dziejnaści pa abiełarušvańni pradstaŭnikoŭ bolš ekzatyčnych i mienš pašyranych u Biełarusi relihijaŭ, pra heta zajaviŭ Lavon Volski ŭ svaim zakliku «Budma!»
Śpiavak Źmicier Vajciuškievič i mator kampanii «Budźma» Alena Makoŭskaja.
Haściam, u tym liku Volskamu, nalivali kvas.
Śpiavaje Vajciuškievič.
Śpiavaje Aleś Kamocki.
Nacyja najcharašejšych dziaŭčat.
Lavon Volski i «Krambambula».
Hienadź Buraŭkin i Radzim Harecki: siarod maładych i nas ciahnie ŭ rožki pajści.
Kaardynatarka kampanii «Budźma» Nina Šydłoŭskaja i Ryhor Baradulin: dziakuj Vam, dziaŭčaty!
