U Bajnecie źjaviŭsia prajekt zdušeńnia hetaha samaha Bajnetu. Najpieršaja asacyjacyja: chutka vybary.
Dakumient, aformleny jak prajekt prezidenckaha ŭkazu, mała padobny na falšyŭku. Va ŭsiakim razie, namieśnik kiraŭnika BAŽ juryst Andrej Bastuniec kaža, što «składziena ź viedańniem spravy».
Navat kali ŭjavić sabie, što heta mistyfikacyja, to jana dzivosnym čynam supadaje z daŭnimi namierami tutejšaha čynavienstva. Vialikija šyški i drobnyja soški nie adnojčy publična aburalisia sieciŭnaj volnicaj dy słavili dośvied kitajskich tavaryšaŭ. Apafieozam stała fraza samoha Łukašenki: «Anarchiju ŭ internecie čas spyniać!».
Mahčyma, hety ŭkid jość zandažom. Kali reakcyja
Uvohule ž,
toje, što padobnaje rašeńnie vysokaha načalstva moža nieŭzabavie pabačyć śviet, ekśpierty ličać nadzvyčaj imaviernym.Dziva nie hety prajekt, a toje, što Sieciva ŭ našaj krainie nie ŭziali na cuhundar dasiul.
Drukavanuju presu daŭno prycisnuli, a voś technałahičnuju revalucyju praspali. A kali spachapilisia, asensavali, što volnaje Sieciva stanovicca surjoznaj niebiaśpiekaj, to akurat pačałasia adliha ŭ dačynieńniach ź Jeŭropaj. Radok pra rehistracyju
Zaraz, musić, toj čas nastaje. Naviersie biez šumu i pyłu raspačali rychtavacca da prezidenckich vybaraŭ.
Miedyjny ekśpiert Andrej Bastuniec adznačaje kompleksny charaktar nastupu na Sieciva. Novy paradak moža zakranuć i pravajderaŭ (adkaznaść za nieprymańnie zachadaŭ što da pierasiačeńnia raspaŭsiudu «škodnaj» infarmacyi), i žurnalistaŭ (rehistracyja
«Heta reč macniejšaja, čym „Faŭst“ Hiote!» — vobrazna prakamientavaŭ mierkavanyja naveły inšy juryst, jaki pažadaŭ zastacca nienazvanym.
Palityčnyja vušy tak i tyrčać z dakumienta. Naturalna, nichto nie napiša, što źbirajucca karać za krytyku vysokich asobaŭ, abudžeńnie palityčnaj aktyŭnaści. A voś padahnać niepažadany kantent pad «ekstremizm» — jak dvojčy dva.Pamiatajecie, jak cisnuli pad hetaj markaj «ARCHE»?
Na dumku kiraŭnika TUT.BY Juryja Zisiera, u vypadku źjaŭleńnia takoha ŭkazu adpaviednyja orhany atrymajuć mahčymaść «prosta adsiakać niepažadanyja sajty». Naturalna, całkam błakavać dostup da ich ź Biełarusi nie ŭdasca.
«Budzie prykładna jak z „varožymi hałasami“ za savieckim časam, — kaža Juryj Zisier. — Hłušyłki, kaniečnie, pieraškadžali, ale chto chacieŭ, usio adno słuchaŭ. Tak i tut: buduć chadzić cieraz proksi. Zrešty, kali ŭličyć, što ŭ internecie šmat „čajnikaŭ“, to, kaniečnie, padobnyja pieraškody stanuć surioznym barjeram».
Uładzie i chočacca i kolecca. Naŭrad ci tut pojduć na žorstki varyjant filtracyi Sieciva, jak u Kitai abo Iranie. Usio ž niejki minimum prystojnaści pierad Jeŭropaj treba zachavać. Chacia pra heta kłapociacca ŭ apošniuju čarhu, kali havorka idzie pra zachavańnie ŭłady.
Zrešty, tatalnaja «začystka» i nie patrebnaja. Biełaruskaje aŭtarytarnaje
Raźlik taki: napałochajem adkaznaściu pravajderaŭ, pašychtujeminternet-resursy ŭ čarhu pa licenzii, damo paru papiaredžańniaŭ zarehistravanym sieciŭnym miedyjam, vyłavim paru «ekstremistaŭ» na forumach — i astatnija buduć siadzieć jak myš pad miatłoj.
Samacenzura ź jaje lipkim stracham — jašče strašniejšaja, čym niepavarotlivaja, tupaja kazionnaja cenzura.
Uvohule ž, kali dojdzie da takich narmatyŭnych aktaŭ, to internet u nas nie zadušać, a chutčej prydušać. Jak i biźnies, drukavanuju presu, treci siektar… Usio trymać pad kaŭpakom i vybaračna davać pa hałavie — takaja tut stratehija va ŭsich śfierach. Internet ź jaho razhułam vierbalnaj volnicy da pary da času byŭ z hledzišča čynoŭnikaŭ dzikaj anamalijaj. A ŭłada anamalij nie lubić. Zaraz unarmuje ŭ svaim firmavym styli.
Nu i, naturalna, virtualnuju «kramołu» asabliva impetna buduć hłušyć na piku vybarčych kampanij, u dzień padliku hałasoŭ: kab nie było novaj Płoščy.Heta hałoŭnaje, što pałochaje ŭładu: toje, što virtualny pratest niekali moža stać vuličnym. Što ludzi vyjduć z Matrycy.
