Členam ekipaža zatrymanaha ŭ Tajłandzie ź nielehalnym hruzam zbroi samalota Ił‑76 moža pahražać śmiarotnaja kara ŭ suviazi z novym abvinavačańniem — nielehalnaje zachoŭvańnie vybuchovych rečyvaŭ. Pra heta paviedamlaje RIA Novosti sa spasyłkaj na hazietu Bangkok Post.
Jak skazaŭ žurnalistam načalnik upraŭleńnia pa baraćbie sa złačynnaściu hienierał Supchisan Pchakdzinarynat, ekipažu budzie vystaŭlena abvinavačańnie ŭ nielehalnym zachoŭvańni vybuchovych rečyvaŭ, za jakoje zakonam praduhledžvajecca pakarańnie ad dvuch hadoŭ pazbaŭleńnia voli da śmiarotnaj kary.
Jak raniej paviedamlałasia, samalot Ił‑76 (bartavy numar 4L‑AWA), zarehistravany ŭ Hruzii,
amal z 40 tonami zbroi, u tym liku ručnymi hranatamiotami i pieranosnymi zienitna‑rakietnymi kompleksami, byŭ zatrymany 11 śniežnia ŭ Banhkoku, dzie pryziamliŭsia dla dazapraŭki.
Zatrymany piać členaŭ ekipaža — čaćviora hramadzian Kazachstana i hramadzianin Biełarusi Michaił Pietuchoŭ 1955 hoda naradžeńnia, jaki pracavaŭ bortinžynieram.
14 śniežnia kryminalny sud Banhkoka pastanaviŭ uziać pad vartu ekipaž samalota i pradoŭžyŭ termin jaho zatrymańnia na 12 dzion.
Ekipažu vystaŭlena abvinavačańnie ŭ nielehalnaj transparciroŭcy zbroi i davańni padmannaj infarmacyi ŭładam Tajłanda ab charaktary hruzu. Za heta, zhodna z tajskimi zakonami, lotčykam pahražaje pažyćciovy turemny termin.
Členy ekipaža śćviardžajuć, što nie viedali pra charaktar hruzu. Pavodle ich słoŭ, jany pieravozili abstalavańnie dla bureńnia naftavych śvidravin.
Rasśledavańnie hetaj spravy moža praciahvacca niekalki miesiacaŭ abo bolš, paviedamiŭ RIA Novosti pradstaŭnik pravaachoŭnych orhanaŭ Tajłanda. «Hetaja sprava moža być vielmi doŭhaj. Zanadta zabłytanaja pakul karcina: samalot zarehistravany ŭ Hruzii, ale niadaŭna. U jaho kazachstanski haspadar. Frachtavała samalot ukrainskaja firma, jakaja źjaŭlajecca filijałam novaziełandskaj firmy, a z kim źviazana taja — pakul niezrazumieła. U supravadžalnych dakumientach na hruz, navat u avijanakładnoj, atrymalnik hruzu naohuł nie nazvany. Dazvoły na pralot terytoryj roznych krain u samalota byli na ŭvieś zvarotny šlach praz Šry‑Łanku i AAE da Ukrainy, i zbroja mahła być vyhružana ŭ lubym punkcie maršrutu», — paviedamiŭ na ŭmovach ananimnaści supracoŭnik tajskaha ŭpraŭleńnia pa baraćbie sa złačynnaściu, jaki niepasredna ŭdzielničaje ŭ rasśledavańni.
Jon taksama paviedamiŭ, što ŭ palotnym płanie samalota fihuruje adzin ź nievialikich aeraportaŭ u AAE, raźmieščany ŭ niepasrednaj blizkaści ad hruzavoha marskoha porta, na terytoryi svabodnaj ekanamičnaj zony. «Tyja ekśpierty, ź jakimi my paśpieli pakul źviazacca, havorać, što kali hruz pryznačaŭsia mienavita dla hetaha aeraporta, jon m
