18:50.
Zatrymanych adpuścili. Na ŭsich byli składzienyja pratakoły administracyjnaha zatrymańnia pa artykule 23.34 «Udzieł u niesankcyjanavanym pikiecie». Sud adbudziecca 23 śniežnia.
***
16 śniežnia ŭ Minsku, la iranskaha pasolstva (vuł. Niaždanavaj, 28) prajšła akcyja ŭ abaronu dziesiaci hiejaŭ Irana (u tym liku vaśmi padletkaŭ), jakich u hetaj krainie asudzili na śmierć za «sadamiju».
Akcyju zładziŭ ŁHBT‑ruch (ruch leśbijanak, hiejaŭ, biseksuałaŭ i transseksuałaŭ) u Biełarusi.
Troje aktyvistaŭ ruchu — Siarhiej Androsienka, Siarhiej Pradzied i Alaksandr Haharyn — pryjšli da ścienaŭ pasolstva Irana ŭ Minsku z płakatam na biełaruskaj i anhlijskaj movach «Spynicie zabojstva hiejaŭ». Jany taksama pieradali ŭ pasolstva pietycyju z patrabavańniem spynić pieraśled hiejaŭ u hetaj krainie.
Krychu raniej aktyvisty ŁHBT-ruchu pieradali ŭ Administracyju prezidenta i Ministerstva zamiežnych spraŭ Biełarusi list z prośbaj pradpryniać mahčymyja dypłamatyčnyja vysiłki z metaj paŭpłyvać na Tehieran u spravie admieny śmiarotnaha prysudu asudžanym asobam.
* * *
Praz 15 chvilin pieramovaŭ/pikirovak ź milicyjaj udzielniki akcyi, a taksama karespandentka «NN» Nastaśsia Šamrej byli zatrymanyja, ich advieźli ŭ Saviecki RUUS Minska.
* * *
Ciapier ich pryvieźli da budynka RUUS, ale adviali ŭ nie ŭ sam budynak, a ŭ aporny punkt pobač ź im.
Status zatrymanych, paviedamlaje Nastaśsia, pakul niajasny. Im ničoha nie paviedamlajuć. Pratakołaŭ pakul taksama nie składajuć.
* * *
15:56
Usim zatrymanym paviedamili, što jany zatrymanyja jak udzielniki niesankcyjanavanaj akcyi, pratakołaŭ pakul nie składajuć, vyklikajuć pa adnym, prabivajuć pa bazie, vyjaśniajuć asobu.
Milicyjaniery ź siabie pakul strojać łahodnych, kiepskija jašče nie zachodzili, žartujuć sami zatrymanyja.
16:32
Nastaśsiu Šamrej paśla pravierki žurnalicskaha paśviedčańnia i hutarki adpuściili, troch chłopcaŭ praciahvajuć trymać u milicyi, u ich biaruć pakazańni, ale nieviadoma, ci składajuć pratakoły.
