Pryčyna — pamianšeńnie kolkaści pryzyŭnych resursaŭ.
U Biełarusi naśpieła nieabchodnaść admianić adterminoŭku ad pryzyvu na vajennuju słužbu dla navučencaŭ zavočnaj formy navučańnia, zajaviŭ pieršy namieśnik ministra abarony Piotr Cichanoŭski, pradstaŭlajučy ŭ parłamiencie papraŭki ŭ zakon ab vajskovym abaviazku i vajskovaj słužbie.
Prapanova admianić adterminoŭku dla studentaŭ-zavočnikaŭ źviazanaja sa štohadovym skaračeńniem kolkaści pryzyŭnych resursaŭ dla zabieśpiačeńnia abarony i vajennaj biaśpieki dziaržavy. Analiz kolkaści nasielnictva Biełarusi pa połu i ŭzroście pakazvaje istotnaje źnižeńnie kolkaści mužčyn, jakija padlahajuć štohadovamu pieršapačatkovamu pryjomu na vajskovy ŭlik, i, jak śledstva, pamianšeńnie kolkaści pryzyŭnych resursaŭ. Pa dadzienych pieršaha namieśnika ministra, za apošni čas kolkaść mužčyn, jakim spoŭniłasia 18 hadoŭ, zdolnych da vajskovaha pryzyvu, štohod skaračajecca na 5-7%. Tak, u 2007 hodzie prydatnymi da słužby ŭ armii byli pryznanyja bolš za 58% pryzyŭnikoŭ, u 2008 -- 49%, u 2009 -- amal 41%. Piotr Cichanoŭski ličyć, što ŭ bližejšyja 2-3 hady situacyja nie źmienicca.
Pieršy namieśnik ministra padkreśliŭ, što Biełaruś maje samy vialiki pieralik adterminovak siarod krain SND: 28 padstaŭ dla niepryzyvu, što achoplivajuć 49 katehoryj (u Rasii tolki 21 adterminoŭka, va Ukrainie — 17). Na atrymańnie adukacyi ŭ Biełarusi atrymlivajuć adterminoŭki bolš za 164 tys. čałaviek va ŭzroście 18-26 hadoŭ, ź ich kala 36 tys. vučacca na zavočnaj formie.
