Pra heta było zajaŭlena 19 śniežnia ŭ Minsku na pasiadžeńni sojmu partyi.
Namieśnik staršyni Partyi BNF Ihar Lalkoŭ nahadaŭ, što 27 listapada kiraŭniki Biełarusi, Kazachstana i Rasii padpisali pahadnieńnie ab stvareńni Mytnaha sajuza. «Hetaje pahadnieńnie ihnaruje intaresy značnaj častki hramadzian Biełarusi, dla jakich ustupleńnie ŭ siłu padpisanych dakumientaŭ moža paciahnuć paharšeńnie asabistaha materyjalnaha dabrabytu ŭ suviazi sa značnym pavyšeńniem mytnych taryfaŭ i, adpaviedna, cen na važnyja katehoryi tavaraŭ, u pryvatnaści na lehkavyja aŭtamabili», — skazaŭ Lalkoŭ. Jon taksama zaznačyŭ, što stvareńnie Mytnaha sajuza ihnaruje intaresy biełaruskaha małoha i siaredniaha biźniesu.
Sojm Partyi BNF pryniaŭ rašeńnie da 1 sakavika 2010 hoda zaviaršyć farmiravańnie inicyjatyŭnaj hrupy pa praviadzieńni respublikanskaha refierendumu.
U hetuju hrupu ŭvojduć pradstaŭniki partyi, jakija majuć namier vyłučacca kandydatami ŭ deputaty miascovych savietaŭ, a taksama inšyja zacikaŭlenyja asoby.
