U Polščy 42 čałavieki zahinuli ŭ minułyja vychodnyja ad pieraachałodžvańnia. Rezkaje pachaładańnie(ad -15 dniom da -20 nočču) zaśpieła źnianacku pierš za ŭsio biazdomnych.Pavodle źviestak palicyi, mienavita jany skłali bolšaść achviar. Polskija palicejskija ŭ pošuku tych, kamu moža być patrebna dapamoha, rehularna patrulujuć parki i ahladajuć zakinutyja budynki.
Niezvyčajna chałodnaje nadvorje zakranuła i inšyja krainy Jeŭropy. U toj čas jak u Polščy niaznačna chaładniej, čym zvyčajna zimoj, u Ispanii śnieh i hałalod – absalutna niezvykłaja karcina. Paśla taho, jak na minułym tydni nadvorje stała pryčynaj mnostva aŭtamabilnych avaryj, mnohija ispancy vyrašyli pakinuć svaje mašyny ŭ haražach. Hramadski transpart taksama pracuje ź vialikimi źmianieńniami ŭ raskładzie. U Hiermanii častkova adnoŭlena rabota aeraporta ŭ Dziusieldorfie. Treciaja pa vieličyni pavietranaja havań krainy ŭ niadzielu była całkam začyniena z-za śniehapadu i abledzianieńnia. Prablemy i ŭ najbujniejšym pierasadačnym aeraporcie Jeŭropy ŭ Frankfurcie-na-Majnie. Za minułyja sutki tam było admieniena bolš za paŭsotni rejsaŭ.
0
0
0
0
0
0
