Viadomy rasijski błohier drugoi, jaki źjaŭlajecca biassprečnym lideram u kiryličnym siehmiencie błahaśfiery, patłumačyŭ biełaruskim čytačam svajho błoha, čamu jon piša Biełoruśsija, a nie Biełaruś. «Pavažanyja biełaruskija čytačy hetaha błoha. Tak jak luby zapis sa zhadvańniem tut nazvy vašaj cudoŭnaj krainy pieratvarajecca ŭ nudnaje i biaskoncaje abmierkavańnie temy, jak pravilna pisać — Biełaruś ci Biełoruśsija — chaču rastłumačyć, čamu ja pišu hetak, a nie tak, jak by chaciełasia niekatorym kamientataram ź Biełarusi», — piša błohier.
«Maje junyja siabry pa sajuznaj dziaržavie, heta zusim nie tamu, što mnie chočacca vas pakryŭdzić abo zakranuć.
Pa-pieršaje, ja pryvyk da takoj nazvy, vyras ź joj i pražyŭ bolšuju častku svajho žyćcia. Vyras ź pieśniaj kampazitarki Pachmutavaj na vieršy paeta Dabranravava ŭ vykanańni vydatnaha vakalna-instrumientalnaha ansambla «Pieśniary». U toj pieśni, kali vy pamiatajecie, bieły busieł lacić nad Biełoruśsijej, a ŭ pieśni vierasu paet Dabranravaŭ pačuŭ biełorusskij matyŭ. Nie biełaruskij, zaŭvažcie. Pa-druhoje, u svajoj pracy nad viadzieńniem hetaha błoha ja namahajusia vykonvać praviły ruskaj movy, jakimi kirujucca žurnalisty našych viadučych rasijskich ŚMI».
Naprykancy dopisu drugoi abiacaje, što jak tolki vydańni «Kommiersant'», Hazieta.ru, Lenta.ru i RIA Novosti pačnuć pisać zamiest Biełoruśsii — Biełaruś, da ich dałučycca i jon, ale nie raniej.
Nahadajem, što pytańnie aficyjnaj nazvy našaj krainy było ŭźniataje ŭ časie sustrečy biełaruskich žurnalistaŭ z prezidentam Rasii Dźmitryjem Miadźviedzievym 23 listapada hetaha hodu. Žurnalist Biełdziaržteleradyjekampanii, pierš čym zadać pytańnie, padkreśliŭ, što «naša kraina nazyvajecca Biełaruś — mienavita tak, vosiem litar, miakki znak na kancy» i paraiŭ užyvać mienavita hety varyjant, a nie «Biełoruśsija». Praz try dni, 26 listapada, na pasiedžańni Abjadnanaj kalehii Ministerstvaŭ justycyi Biełarusi i Rasii ŭ Minsku było pryniataje rašeńnie rekamiendavać rasijskim ŚMI, ministerstvam i viedamstvam užyvać nazvu Biełaruś, a nie Biełoruśsija.
***
Dziońnik Rustema Adahamava stvorany ŭ 2002 hodzie, štodzień jaho naviedvaje da 15000 čałaviek, a ŭsiaho Rustem maje ŭ siabrach jaho prahladaje bolš za 44000 ŽŽ-karystalnikaŭ. Drugoi upeŭniena trymaje 1-je miesca ŭ kiryličnym siehmiencie błahaśfiery. Dziakujučy nadzvyčajnaj papularnaści jon patrapiŭ u kramloŭski žurnaliscki puł.