U 24-hadovaj maci zastałosia dvoje dziaciej 4 i 6 hadoŭ. Padazravanaha ŭ ździajśnieńni DTZ zatrymali ŭ Lidzie, kudy jon pryhnaŭ «Folksvahien» na ramont.
Uviečary 26 śniežnia pablizu vioski Pałužža Karelickaha rajona była źbitaja lehkavikom miascovaja žycharka 1985 hoda naradžeńnia. Pavodle papiaredniaj infarmacyi, kiroŭca sa znajomym, jaki jechaŭ ź im u aŭto, adciahnuli žančynu ŭ ravok pry darozie i prysypali śnieham. Potym zacierusili śnieham i miesca zdareńnia.
Zdaryłasia heta za jakuju sotniu mietraŭ ad domu žančyny. Niebaraku znajšli tolki ranicaj. U maładoj žančyny zastalisia małyja dzieci — 4 i 6 hadoŭ.
Padazravanaha ŭ najeździe na čałavieka zatrymali ŭ Lidzie, kudy jon pryhnaŭ svoj «Folksvahien» na ramont. Na miescy zdareńnia było znojdzienaje škło ad raźbitaj fary. Pa joj i vyličyli uładalnika aŭto — žychara Karelič 1970 h.n.