«Navošta» — novaja kniha narodnaha paeta Biełarusi Ryhora Baradulina, azdoblenaja zdymkami fatamastaka Džona Kunstadtera, pabačyła śviet u Minsku.
Ryhor Baradulin. Navošta: vieršakazy. układ. Aleś Kamocki. Fotamastak Džon Kunstadter. — Minsk: Miedysont, 2009. — 162 s., 1000 as.
Biełaruskija vieršakazy, zapačatkavanyja jašče Alesiem Razanavym, — zhuście paetyčnaj mudraści, zašyfravanaje ŭ karotkija, amal telehrafičnyja słovaspałučeńni, jakija viaduć svoj radavod ad pazačasovych trapnaściaŭ starazapavietnych prarokaŭ, ad začaravanaha trapiatkaściu pryrody japonskaha choku i ad ściudzionaj vytančanaści siaredniaviečnych afaryzmaŭ.
Buślanki, kryžy, babulki-sialanki i sceny ź viaskovaha žyćcia, źniatyja amierykanskim fatohrafam Džonam Kunstadteram, — adno pravadniki ŭ śviet stałaj baradulinskaj paezii, u vysokačastotny myślenčy rehistr, dzie zamiłavańnie pryrodaj i śvietam rečaŭ niabačna uznosicca ŭ zamiłavańnie ludstvam.
Jašče:
Ryhor Baradulin
Vieršaskazy
***
Nastupnaje nastupaje na mazali minułamu.
***
Daroha raście ŭsio žyćcio.
***
Nieachvotna stareje śviatło.
***
Chmary — niesłuchi nieba.
***
Aŭtary prajektu vykazvajuć ščyruju padziaku MHA «Zhurtavańnie biełarusaŭ śvietu «Baćkaŭščyna»» i kiraŭniku Dabračynnaha fondu «Etničny hołas Amieryki» (ZŠA) Irenie Kaladzie-Śmirnovaj za dapamohu ŭ jaho ažyćciaŭleńni.
***
Džon Kunstadter pracavaŭ namieśnikam ambasadara ZŠA u Biełarusi ŭ 2000-2001 hh. Vialiki amatar fota, jon zrabiŭ cełuju kalekcyju biełaruskich fotazdymkaŭ, pabačyć jakija možna na sajcie www.radzimaphoto.com. Tam ža možna daviedacca pra aŭtara padrabiaźniej.
