Ministerstva justycyi Biełarusi vydała paśviedčańni ab rehistracyi novych hramadskich abjadnańniaŭ.
Jak paviedamlajecca na aficyjnym sajcie Miniusta, zarehistravana maładziožnaje hramadskaje abjadnańnie «Biełaruskaja fiederacyja karfboła», dziejnaść jakoha nakiravana na papularyzacyju ŭ Biełarusi karfboła — źmiešanaj kamandnaj hulni, padobnaj da baskietboła.
Pačało taksama dziejničać mižnarodnaje hramadskaje abjadnańnie «Sajuz majstroŭ miratvorcaŭ «Śviatło», zaklikanaje raźvivać i papularyzavać miratvorčaść u vyjaŭlenčym mastactvie, dekaratyŭna‑prykładnym mastactvie i narodnych promysłach, raspaŭsiudžvać idei miru i nienasilla va ŭsich śfierach mastactva.
Stvorana mižnarodnaje hramadskaje abjadnańnie «Centr vyvučeńnia sučasnaj relihijnaści», metaj jakoha źjaŭlajecca navukova‑daśledčaja dziejnaść pra vyvučeńni kanfiesijnaj prastory Biełarusi i inšych krain, kanfiesijnych i pazakanfiesijnych form sučasnaj relihijnaści, svabody sumleńnia i vieravyznańnia.
Akramia taho, Miniustam zarehistravana respublikanskaje hramadskaje abjadnańnie «Sacyjalnaja maładziožnaja inicyjatyva». Jano zaklikana sadziejničać inavacyjnamu, sacyjalnamu, kulturnamu, duchoŭnamu i fizičnamu raźvićciu biełaruskaj moładzi, jaje patryjatyčnamu vychavańniu, zachavańniu i ŭmacavańniu maralnych pravił siamji i hramadstva, prapahandzie zdarovaha ładu žyćcia.
Zarehistravany taksama hramadskaje abjadnańnie «Śviet ščaślivaj siamji», dziejnaść jakoha nakiravana na prapahandu i farmavańnie tradycyjnych siamiejnych kaštoŭnaściaŭ, i mižnarodnaje hramadskaje abjadnańnie «Ščaście žyć», metaj jakoha źjaŭlajecca dapamoha chvorym na chraničny mijełalejkoz.
