Ministerstva kultury nie vyklučaje zachavańnia histaryčnych budynkaŭ pieršaj minskaj elektrastancyi i adaptacyju ich u budučy hatelny kompleks.
Historyja z pabudovaj pobač z cyrkam hatelnaha kompleksu «Kiempinski» abrastaje novymi padrabiaznaściami. Staršynia hramadskaha abjadnańnia «Biełaruskaje dobraachvotnaje tavarystva achovy pomnikaŭ historyi i kultury» Anton Astapovič atrymaŭ list ad namieśnika ministra Minkultury Viktara Kuraša, u jakim viadziecca pra mahčymaje zachavańnie pomnika pramysłovaj architektury XIX st. — budynkaŭ pieršaj minskaj elektrastancyi — u składzie budučaha hatelnaha kompleksu. Ź lista vynikaje, što
pytańnie ab vyklučeńni pomnika ź Dziaržśpisu historyka-kulturnych kaštoŭnaściej Ministerstvam kultury sumiesna ź Minharvykankamam razhladałasia pa daručeńni Saŭminu.Adnak Respublikanskaja navukova-mietadyčnaja rada pa pytańniach historyka-kulturnaj spadčyny pry Minkultury spasłałasia na adsutnaść pravavoha abhruntavańnia i pryniała rašeńnie ab niemahčymaści vyklučeńnia byłoj elektrastancyi ź Dziaržśpisu. Tak, u p. 1 rašeńnia Rady ad 16 vieraśnia 2009 h. №159 adznačana, što
komleks byłoj elektrastancyi znachodzicca na terytoryi, jakaja vyznačajecca nadzvyčaj vysokim historyka-kulturnym patencyjałam i źjaŭlajecca nieadjemnym elemientam zabudovy ansambla praśpieta Niezaležnaści.Byŭ adznačany i toj fakt, što ekśpierty JUNESKA padtrymali ŭklučeńnie naminacyi «Architekturny ansambl praśpiekta Niezaležnaści» ŭ papiaredni śpis abjektaŭ suśvietnaj spadčyny.
Adnačasova siabry Rady pryznali mahčymym pabudovu ŭ rajonie cyrka hatelnaha kompleksu pry ŭmovie «rekanstrukcyi z restaŭracyjaj aznačanaha pomnika, abmiežavańniaŭ pa vyšyni płanujemych zbudavańniaŭ i vykanańnia mižnarodnych rehłamientaŭ».
15 kastryčnika pradstaŭniki Minharvykankamu, Minkultury, maskoŭskaj architekturnaj majsterni «SPeeCH» i kampanii
«Kiempinski» abmierkavali padychody pa prajektvańni budučaha hatelna-dziełavoha kompleksu
«z ulikam praviadzieńnia daśledavańniaŭ komleksu byłoj elektrastancyi, vyjaŭleńnia elemientaŭ i kanstrukcyj pomnika architektury 1895-1912 hh. i zachavańnia ich u składzie stvarajemaha abjekta».Akademija navuk pry hetym ukazała na nieabchodnaść navukovaha zabieśpiačeńnia nie tolki budaŭničych, ale i pieradprajektnych i prajektnych pracaŭ na abjektach, uklučanych u śpis historykakulturnych kaštoŭnaściej.
U vyniku, spasłaŭšysia na zamiežny vopyt rekanstrukcyi i prystasavańnia abjektaŭ pramysłovaj architektury, u tym liku i z uklučeńniem ich u abjekty sučasnaha budaŭnictva, Minkultury nie vyklučyła mahčymaści realizacyi «sučasnych architekturnych rašeńniaŭ» na ŭčastku ŭ miežach praśpiekta Niezaležnaści, vulicy Janki Kupały i raki Śvisłač niepadalok ad Biełdziaržcyrka.
«U chodzie prajektavańnia na prylehłaj terytoryi šmatfunkcyjanalnaha centra, zychodziačy ź dziejučych u suśvietnaj praktycy pravił, nieabchodna zabiaśpiečyć ekspanavańnie histaryčnych budynkaŭ i ich adaptacyju ŭ sučasny architekturny ansambl», — havorycca ŭ liście.
Nahadajem, što pry kancy listapada 2009 hoda ŭ časie abmierkavańnia pierśpiektyŭ raźvićcia biełaruskaj stalicy Alaksandr Łukašenka ŭchvaliŭ padkarektavany hienieralny płana Minska da 2030 hoda. Adabreńnie atrymali siarod inšych i płany pabudovy novaha šmatfunkcyjanalnaha kompleksu z hatelem «Kiempinski». Kompleks maje paŭstać u 2013 hodzie na ŭčastku ŭ miežach praśpiekta Niezaležnaści, vulicy Janki Kupały i raki Śvisłač niepadalok ad Biełdziaržcyrka.
