U 2010 hodzie Biełaruski instytut stratehičnych daśledvańniaŭ (BISS) płanuje pačać rehularnaje vydańnie biuletenia BISS trends. Vydańnie maje vyłučać i prahnazavać najbolš važnyja tendencyi ŭ žyćci biełaruskaha hramadstva.
U biahučym hodzie taksama pačnie pracu Ahienctva palityčnaj ekśpiertyzy pry BISS. Jano stvarajecca dla bolš efiektyŭnaha supracoŭnictva pamiž analityčnaj supolnaściu i ŚMI i płanuje rychtavać pres-relizy, ekśpiertnyja kamientary i manitorynhi raźvićcia situacyi ŭ samych roznych halinach žyćcia krainy.
Adnoj z samych važnych padziej 2010 hoda dla BISS stanie praviadzieńnie 9-10 lutaha čarhovaj štohadovaj kanfierencyi «Šlach Biełarusi ŭ Jeŭropie», što budzie ładzicca pad patranažam Pradstaŭnictva ES u Biełarusi. Płanujecca, što ŭ kanfierencyi voźmuć udzieł biełaruskija niezaležnyja ekśpierty, pradstaŭniki dziaržaŭnaha siektara i ekśpierty z Centra daśledvańniaŭ jeŭrapiejskaj palityki, Francuzskaha instytuta mižnarodnych adnosinaŭ, Finskaha instytuta mižnarodnych spraŭ i inšych arhanizacyj.
BISS zaklikaje ŭsich achvotnych da ŭdziełu ŭ svaich prajektach i mierapryjemstvach. Bolš padrabiazna ź imi možna aznajomicca na sajcieInstytuta.