Novyja kulturnickija i adukacyjnyja prahramy, tok-šou ź Viktaram Šałkievičam, a taksama astackija filmy, sieryjały i ŭnikalnaja dakumientalistyka. Z 1 studzienia čas tranślacyi pavialičany da 6 hadzin: z 17-j da 23-j biełaruskaha času.
«Biełsat» papularny ŭ rehijonach. Rekłama na došcy abjaŭ.
Novy hod prynios hledačam pieršaha niezaležnaha spadarožnikavaha telekanału nie tolki pavialičeńnie efirnaha času na dźvie hadziny i pieranos pačatku tranślacyi na 17:00, ale i novyja televizijnyja prajekty. Ź lutaha na «Biełsacie» pačnuć źjaŭlacca novyja prahramy.
Mižnarodny ahlad pad nazvaju «Pra śviet» rychtuje redakcyja infarmacyjnych prahramaŭ. Prajekt budzie prezientavać niezaležny biełaruski pohlad na padziei ŭ śviecie i na miesca ŭ im Biełarusi. Aŭtar — Alina Koŭšyk, viadomaja žurnalistka «Abjektyva».
Pra zakuliśsie biełaruskaj palityki, ekanomiki dy kultury parazmaŭlaje Eduard Mielnikaŭ sa svaimi haściami ŭ novaj publicystyčnaj prahramie «Kułuary».
Prahrama «Moŭnik» zacikavić i tych, chto chacieŭ by palepšyć svaje viedy ŭ rodnaj movie, i tych, kaho nie pakidać abyjakavym roznyja aśpiekty historyi dy sučasnaści biełaruskaje linhvistyčnaje dumki. Prajekt budzie mieć svaju staronku na sajcie «Biełsatu», dzie kožny zmoža zadać pytańnie moŭnym ekśpiertam prahramy.
Hledačy «Biełsatu» naviedajuć vybitnych ludziej kultury razam z aŭtarami prahramy «Maja kalekcyja». U kožnym vydańni hieroj raspaviadzie pra svaju kalekcyju — najvažniejšyja knihi, ulubionyja pieśni i filmy. «Maju kalekcyju» ŭzbahaciać siužety pra kulturnyja padziei dy anonsy budučych kancertaŭ, vystavaŭ, śpiektaklaŭ.
«Anhlijskaja mova ź Lipi i Mesi» — navučalny telesieryjał, u jakim dva kłouny viesieła i niazmušana znajomiać dziaciej z asnovami anhielščyny. Prahramu stvaryła dziciačaja redakcyja 1-ha kanału Polskaha hramadskaha telebačańnia ŭ supracy sa škołaju anhlijskaj movy «Gama-Bell» u Krakavie.
Na desiert — zabaŭlalnaje tok-šou «Vahon». Aŭtar i viadoŭca «Vahonu» — viadomy biełaruski bard i teatralny aktor Viktar Šałkievič — budzie zaprašać da siabie biełarusaŭ, ź jakimi varta paznajomicca šyrejšaj aŭdytoryi.
Akramia novych rehularnych prahramaŭ, u novym hodzie na «Biełsacie» buduć, jak i raniej, pakazvać mastackija filmy, sieryjały i unikalnaje dakumientalnaje kino, jak zamiežnaje tak i biełaruskaje.
«Biełsat» možna hladzieć praz spadarožniki «Sirius» i «Astra». Bolšaść prahramaŭ vytvorčaści telekanału dastupnyja dla prahladu na sajcie www.belsat.eu.
