Z 14 pa 28 studzienia praciahniecca dabračynnaja akcyja dapamohi hrodzienskamu dziciačamu domu na vuł. Ja. Kupały, 48. 30 studzienia ŭsie achvočyja zmohuć pajechać u dziciačy dom, kab uručyć dzieciam padarunki.
Dabračynnaja akcyja dapamohi hadavancam dziciačaha domu ŭ Hrodnie adbyvajecca ŭ treci raz. U dziciačym domie źmiešanaha typu Kastryčnickaha rajona h. Hrodna zaraz žyvie 71 dzicia (ź ich 11 daškolnikaŭ) va ŭzroście da 18 hadoŭ. Paśla razmovy z dyrektaram dziciačaha doma byŭ składzieny śpis nieabchodnaha dzieciam (arhanizatary pastaralisia zrabić hety śpis maksimalna vialikim, raptam chtości zmoža dapamahčy):
1. Kanctavary (asadki sinija i kalarovyja, ałoŭki prostyja i kalarovyja, sšytki tonkija, paŭahulnyja, ahulnyja, albomy dla malavańnia, razmaloŭki, kalarovaja papiera, nažnicy, farby, pendźli, płastylin, liniejki, fajły, papiera pisčaja, tačyła, humki i h.d .)
2. Filmy i multfilmy dziciačyja (u kožnaj hrupie jość DVD, a dyskaŭ dla prahladu nie chapaje). Dyski nie abaviazkova kuplać — možna pieradać svaje b/v ci zapisać čaho-niebudź sa svaich miedyjakalekcyj na dyski i pieradać arhanizataram.
3. Nižniaja bializna, ale tolki novaja (škarpetki, trusy, kałhotki, holfy dla chłopčykaŭ i dziaŭčynak na ŭzrost ad 10 da 18 hadoŭ). Dla starejšych dziaŭčynak najaŭnaść narmalnaha nižniaha bializny vielmi i vielmi aktualnaja.
4. Abutak dla chłopčykaŭ i dziaŭčynak (na ŭzrost ad 6 da 18 hadoŭ, asabliva patrebnyja 41, 42, 43 pamiery)
5. Hulni nastolnyja (chadziłki, pazły, dy inš), madeli karabloŭ, samalotaŭ, tankaŭ, aŭtamabilaŭ z dreva i płastyku dla samastojnaj zborki. Patrebnyja lubyja pryłady dla dziciačaj tvorčaści.
6. Paścielnaja bializna standartnych pamieraŭ na łožak 190ch100 sm (paduški, čachoł na koŭdru, naŭlečki, praściny).
7. Kanstruktary, kubiki, lubyja raźvivajučyja hulni i cacki.
8. Srodki asabistaj hihijeny (myła, šampuń, zubnaja pasta, zubnyja ščotki i h.d.). Kaśmietyka, kremy dla starejšych dziaŭčynak.
9. Šviejnaja furnitura (dzieci zajmajucca rukadziellem, bisieraplacieńniem, vyšyŭkaj i šyćciom, tamu vielmi patrebnyja nitki, ihołkaj, pacierak, pajetki, kavałki skury, klej humovy)
10. Spartyŭny invientar: tenisnyja šaryki i rakietki, baksiorskija palčatki, baksiorskaja hruša, miačy, doŭhija skakałki dla spartłandyi (majecca stoł dla nastolnaha tenisa, staraja baksiorskaja hruša, ale invientar chutka znošvajecca). Naohuł, invientar patrebny luby.
11. Kapialušyki, humovyja šlopki, akulary dla płavańnia.
12. Łyžnyja čaraviki i macavańnie dla ich. Možna b/v. Łyžy jość, a katacca na ich nie atrymlivajecca.
13. Pralny parašok, myjnyja srodki
14. Šklanyja talerki, hurtki (posud maje ŭłaścivaść bicca, jaje zaŭsiody nie chapaje)
15. Prysmaki, soki i sadavinu dla sałodkaha stała
16. Kamputary i kamplektujučyja. Jany sastareli nie tolki maralna, žaleza patrabuje abnaŭleńnia. Patrebnyja pamiać, maciarynskaja, vieniki, videakartki, manitory (EPT i VK), kałonki, navušniki, myški i kłavijatury, łazierny prynter (heta dla administracyi). Usio heta možna pradastaŭlać b/v u pracoŭnym stanie.
17. Pakajovyja anteny dla televizaraŭ u hrupach. Choć, viadoma, aptymalna, kab Biełtelekam padklučyŭ dziciačy dom IPTV abo jakoj-niebudź kabielny apieratar ŭziaŭ dziaciej ź ich televizarami pad svajo kryło.
18. Pieryjadyčnyja pasłuhi pa ramoncie televizaraŭ i aparatury, jakija vychodziać sa stroju (zrazumieła, što pasłuhi pavinny pradastaŭlacca biazvypłatna).
19. Pasłuhi pa zapraŭcy kartrydžaŭ dla drukarki (zrazumieła, što pasłuhi pavinny pradastaŭlacca biazvypłatna).
Usie rečy možna pieradavać u Čyrvony kryž asabista (E. Ažeška, 1, teł. 743534 i Mickieviča, 5, teł. 965120).
Usiu infarmacyju pa zbory dapamohi možna atrymać u kaardynataraŭ:
Siarhiej (+375 29 7880013) Centr, Dzieviatoŭka
icq 331481501
e-mail [email protected]
***
Siarhiej (+375 29 5891402) vuł. Repina, Foluš
icq 454108017
e-mail [email protected]
***
Kaciaryna Centr
e-mail [email protected]
***
Raman (+375 29 7880778) vuł. Pieramohi, Dzieviatoŭka
icq 324158448
***
McMALAN (+375 29 7816230) vuł. Horkaha u «MOKI»
icq 582257484
e-mail [email protected]
Kožny ŭdzielnik (firma ci pradprymalniki) dabračynnaj akcyi moža raźličvać na biaspłatnuju rekłamu svaich tavaraŭ i pasłuh na błohu s13.ru(anonsy jak padčas akcyi, tak i banernaja rekłama). Plus rekłamu na błohu možna kuplać pa bieznajaŭnym rachunku — u hetym vypadku 92% jaje koštu budzie pieraličana na raźlikovy rachunak dziciačaha doma.
Žadajučym dapamahčy pa bieznajaŭnym rachunku biez rekłamy prapanujucca nastupnyja rekvizity:
Dziciačy dom źmiešanaha typu Kastryčnickaha rajonu h. Hrodna
r/r 3642000000159 filijał 400
HOU ASB «Biełarusbank» MFO 152101752
UNP 500035081, OKPO 05547097 (sponsarskaja dapamoha dla dziciačaha doma).
