U suviazi z pavyšeńniem mytnych pošlin biełaruskija aŭtadylery płanujuć pierajści na prodaž impartnych aŭtamabilaŭ, sabranych na rasijskich zavodach.
Pra heta paviedamiła hienieralny dyrektar Biełaruskaj aŭtamabilnaj asacyjacyi Ludmiła Šabanava.
Zaraz niekalki biełaruskich aŭtadyleraŭ viaduć pieramovy z rasijskimi źbiralnikami mašyn, płanujučy tym samym paźbiehnuć vysokich mytnych pošlin. U toj ža čas novyja partyi mohuć pastupić nie raniej za viasnu ci leta, bo arhanizacyja sistem łahistyki zojmie jak minimum miesiac‑dva. Pakul ža biełaruskija aŭtadylery raspradajuć składskija zapasy:
u asobnych aŭtadyleraŭ jany praktyčna całkam zabityja jeŭrapiejskimi mašynami.
Tamu deficytu novych aŭtamabilaŭ u bližejšyja miesiacy nie pradbačycca.
U toj ža čas bližej da siaredziny hoda asartymient novych jeŭrapiejskich madelaŭ moža zvuzicca.
«U pryncypie ŭsio budzie zaležać ad samich biełarusaŭ,— adznačyła surazmoŭca.
— Kali spažyŭcy buduć zhodnyja kuplać aŭtamabili z ulikam mytaŭ, to aŭtadylery buduć ich ŭvozić». Adnak padvyšeńnie koštaŭ vykliča padzieńnie popytu, z pryčyny čaho pradaŭcy buduć imknucca źnizić uzrovień prapanovy.
«Naturalna, kolkaść pastavak budzie skaračacca. Na moj pohlad, u 2010 hodzie prodažy aŭtamabilaŭ buduć mizernymi», — kanstatavała śpiecyjalist.
