Prykładna apoŭdni 14 studzienia ŭ Homieli zatrymany kaardynatar pa stvareńni partyi «Biełaruskaja chryścijanskaja demakratyja» Jaŭhien Jakavienka.
Pa mabilnym telefonie Jakavienka paviedamiŭ, što na vulicy Knižnaj da jaho padyšli dva čałavieki ŭ milicejskaj formie, z prymianieńniem nasilla pasadzili ŭ aŭtamabil i pryvieźli ŭ vajenkamat. «Jany nie pradstavilisia, ničym svaje dziejańni nie rastłumačyli, uvieś čas pahražali prymianieńniem siły, vyryvali z ruk mabilny telefon, załamali ruki. U mašynie nas čakaŭ treci ŭ cyvilnym, jaki sačyŭ za mnoj ad samaha doma», — adznačyŭ aktyvist.
Pavodle słoŭ Jakavienki, u vajenkamacie jamu zajavili, što jon uchilajecca ad pryzyvu na vajennuju słužbu, i tamu byŭ prymusova dastaŭleny tudy z dapamohaj milicyi. «Nijakich pozvaŭ ja nie atrymlivaŭ. Jak ja mahu ŭchilacca ad pryzyvu?» — skazaŭ Jakavienka.
Aktyvist maje namier źviarnucca sa skarhaj na dziejańni milicyi ŭ prakuraturu. «Takija dziejańni padpadajuć pad artykuł Kryminalnaha kodeksa ab vykradańni ludziej», — zajaviŭ jon.
Zaraz Jakavienka znachodzicca ŭ vajenkamacie.