U niadzielu byli zhulanyja piać matčaŭ 17-ha turu čempijanatu Biełarusi pa futbole ŭ vyšejšaj lizie. Niekatoryja prynieśli niečakanyja vyniki.
U Barysavie lider čempijanatu BATE prajhrała mienskamu MTZ-RIPA ź likam 1:3. U haspadaroŭ hołam adznačyŭsia Alaksandar Lebiedzieŭ. U mienčukoŭ, jakich uznačalvaje były trenier BATE i siońniašni kiraŭnik nacyjanalnaj družyny Jury Puntus, hały zabili Arciom Kancavy, Viačasłaŭ Hleb, Aleh Strachanovič.
Asiečkaj barysaŭcaŭ nie zmahło skarystacca mienskaje «Dynama», jakoje na svaim stadyjonie prajhrała adnamu z aŭtsajderaŭ čempijanatu haradzienskamu «Niomanu» – 0:2 (Ihar Kryvabok, Valer Tarasienka). BATE zachavała za saboj pršy radok u tablicy.
Čarhovuju niaŭdaču paciarpieŭ eks-lider čempijanatu ždanovickaja «Daryda». U Kuncaŭščynie klub sastupiŭ čempijonu krainy salihorskamu «Šachtaru» – 0:2 (Alaksandar Klimienka, Arciom Hančaryk)
«Dynama» (Bieraście) – «Tarpeda» (Žodzina) — 2:0 (Źmicier Mazaleŭski, Andrej Čysty)
«Homiel» – «Biełšyna» – 2:1 (Valer Strypiejkis – 2; Rusłan Daniluk).
Stanovišča kamand:
BATE – 34, Šachtar – 32, Dynama M i Homiel – pa 31, MTZ-RIPA i Daryda – pa 29, Lakamatyŭ V – 25 (16 hulniaŭ), Dynama B – 23, Dniapro – 21 (16), Naftan – 19 (16), Tarpeda – 18, Nioman – 16, Lakamatyŭ M – 10 (16), Biełšyna – 7.
U śpisie bambardziraŭ pieršaje miesca trymaje Alaksandar Klimienka «Šachtar» — 12 miačoŭ. Pa vosiem bramak zdabyli Arciom Kancavy (MTZ-RIPA), Valer Strypiejkis («Naftan») dy Raman Vasiluk («Homiel»).
U paniadziełak budzie praviedziena dźvie hulni:
«Lakamatyŭ» (Viciebsk) – «Dniapro» (Mahileŭ),
«Lakamatyŭ» (Miensk) – «Naftan» (Navapołacak).
