Sudovy prystaŭ nakłaŭ aryšt na rachunki i aktyvy svajakoŭ eks-deputata Dziarždumy Vadzima Biełavusava i byłoha hubiernatara Čalabinskaj vobłaści Michaiła Jureviča dla zabieśpiačeńnia pazovu Hienprakuratury ab spahnańni majomaści najbujniejšaha ŭ Rasii vytvorcy makarony «Makfa» i afilavanych firmaŭ u intaresach dziaržavy, piša RBK.
U pastanovie prystava havorycca, što suma aryštavanych aktyvaŭ składaje 100 trłn. rubloŭ, paviedamlaje, aznajomiŭšysia z dakumientam, TASS.
Ukazanaja suma pieravyšaje rublovuju hrašovuju masu ŭ zvarocie (ahrehat M2): pa danych CB RF, na 1 sakavika jana składała 99,4 trłn rub. Va ŭradzie pytańnie RBK ab anamalnaj sumie, ukazanaj u dakumientach prystavaŭ, pieraadrasavali ŭ Hienprakuraturu RF.
Taksama pa rašeńni Centralnaha rajonnaha suda Čalabinska aryštavanyja 100% akcyj afilavanych z «Makfa» i jaje ŭładalnikami kampanij. Hetyja miery zakranuli «Pieršy chlebakambinat», «SMAK», «Novaja piacihodka», «Daŭhoŭskaje» i inšych.
Hienprakuratura RF ličyć, što «Makfa» i šerah inšych pradpryjemstvaŭ, uklučajučy «Smak» i «Čalabinskabłhaz», majuć karupcyjnaje pachodžańnie, pakolki ich bienieficyjary — Jurevič i Biełavusaŭ — zajmalisia biźniesam, pracujučy ŭ orhanach dziaržułady, i «na praciahu mnohich hadoŭ parušali ŭstanoŭlenyja antykarupcyjnym» zakanadaŭstvam zabarony i abmiežavańni», pisaŭ «Kommiersant».
Jurevič z 2000 pa 2005 hod byŭ deputatam Dziarždumy, zatym da 2010 hoda ŭznačalvaŭ Čelabinsk, a paśla da 2014 hoda — Čalabinskuju vobłaść. Biełavusaŭ z 2011 pa 2023 hod byŭ deputatam troch sklikańniaŭ Dziarždumy RF.
Čytajcie taksama:
Pucin daručyŭ zrabić ekanomiku Rasii čaćviortaj u śviecie da 2030 hoda
Biełaruś pieratvorycca ŭ Paŭnočnuju Kareju ci da takoha nie dojdzie?
