Fota: Michel Euler / AP
Urad Vialikabrytanii padtrymaŭ udzieł rasijskich i biełaruskich spartsmienaŭ u Alimpijskich i Paralimpijskich hulniach 2024 hoda ŭ Paryžy (Francyja) u liście, nakiravanym u Mižnarodny alimpijski kamitet (MAK) i Mižnarodny paralimpijski kamitet (MPK), paviedamlaje The Times.
Pavodle infarmacyi krynicy, u liście paznačana, što Vialikabrytanija padtrymlivaje ŭdzieł rasijanaŭ i biełarusaŭ u spabornictvach u niejtralnym statusie pry vykanańni ŭmoŭ.
Alimpijskija Hulni 2024 hoda ŭ Paryžy projduć z 26 lipienia pa 11 žniŭnia. Paralimpijada projdzie z 28 žniŭnia pa 8 vieraśnia. Raniej MAK dapuściŭ rasijanaŭ i biełarusaŭ na Alimpijadu ŭ niejtralnym statusie.
Pakul na Alimpijadu ŭ Paryžy adabralisia 16 biełaruskich spartoŭcaŭ. U Alimpijadzie ŭ Tokia ŭ 2021 hodzie brali ŭdzieł 108 biełarusaŭ.
Čytajcie taksama:
Biełaruś maje pakul usiaho 16 alimpijskich licenzij
Francuzski alimpijec śmiešna zvaliŭsia z tramplina na vačach u Makrona — VIDEA