Administracyja kamuny Vadsio, jakaja raźmieščana na samaj poŭnačy Narviehii niedaloka ad miažy z Rasijaj, prosić Jeŭrakamisiju vyłučyć dla jaje asobny časavy pojas. I pavialičyć sutki da 26 hadzin.
Mer horada Vienkie Piedersien raspaviała, što kamunie składana pryciahvać novych žycharoŭ praz surovyja ŭmovy. Tamu administracyja choča stvaryć unikalnyja kaštoŭnaści, jakija buduć cikavyja ludziam ź inšych abłaściej krainy, paviedamlaje Politico.
Piedersien prapanuje pavialičyć sutki da 26 hadzin, kab žychary mahli pravodzić bolš času z rodnymi, a taksama za lubimymi zaniatkami: palavańniem, rybałkaj, vyvučeńniem zamiežnych moŭ i inšymi.
Pa słovach mera, miascovyja vielmi zadavolenyja žyćciom: im nie treba nikudy śpiašacca, tut niama mituśni, ułaścivaj vialikim haradam. Źmiena času ŭ sutkach moža pryciahnuć jašče bolš ludziej, asabliva siemjaŭ ź dziećmi, jakim žyć u spakojnym miastečku budzie kudy kamfortniej, ličyć Piediersien.
Narviehija nie źjaŭlajecca členam Jeŭrasajuza, ale ŭvachodzić u Jeŭrapiejskuju ekanamičnuju prastoru. Pytańniami časavych pajasoŭ zajmajecca Jeŭrakamisija. Hety orhan atrymaŭ list mera Vadsio, adnak pierśpiektyvy takoj inicyjatyvy tumannyja.
Čytajcie taksama:
